സിറിയയില് യുഎസ് സൈനിക നടപടി; രാസായുധ ആക്രമണത്തിനുള്ള തിരിച്ചടിയെന്ന് ഡൊണാള്ഡ് ട്രംപ്
സിറിയയില് ബഷര് അല് അസദ് ഭരണകൂടത്തിന് എതിരെ അമേരിക്കയുടെ സൈനിക നടപടി. വിമാനങ്ങളില് നിന്ന് അന്പതോളം ടോമോഹാക് മിസൈലുകള് വര്ഷിച്ചു. ഷായരാത് വ്യോമതാവളത്തിന് നേരെയാണ് യുഎസ് ആക്രമണം. വിമതമേഖലകളില് സിറിയന് സര്ക്കാര് രാസായുധ ആക്രമണം നടത്തിയതിനു പിന്നാലെയാണ് അമേരിക്കന് നടപടി. സിറിയന് ആക്രമണത്തില് എണ്പതോളം പേര് കൊല്ലപ്പെട്ടിരുന്നു.
സിറിയയില് നടത്തിയത് രാസായുധ ആക്രമണത്തിനുള്ള തിരിച്ചടിയാണെന്ന് യുഎസ് പ്രസിഡന്റ് ഡോണള്ഡ് ട്രംപ് പറഞ്ഞു. തിരിച്ചടി ദേശീയ സുരക്ഷാ താല്പര്യത്തിന് ആവശ്യമായിരുന്നുവെന്നും ട്രംപ് വിശദീകരണം നല്കി. സിറിയന് സര്ക്കാര് നടത്തുന്ന കൂട്ടക്കുരുതി തടയാന് രാജ്യാന്തരസമൂഹം ഇടപെടണമെന്നും യുഎസ് പ്രസിഡന്റ് ആവശ്യപ്പെട്ടു. സിറിയയ്ക്കു നേരെ സൈനിക നടപടിയുണ്ടായേക്കുമെന്ന് യുഎസ് മുന്നറിയിപ്പ് നല്കിയിരുന്നു.
സിറിയയുടെ ഭാവിയില് പ്രസിഡന്റ് ബാഷര് അല്അസദിന് ഒരു പങ്കുമില്ലെന്ന് യുഎസ് വിദേശകാര്യ സെക്രട്ടറി റെക്സ് ടില്ലേഴ്സണ് പറഞ്ഞിരുന്നു. അസദിനെ നീക്കാന് രാഷ്ട്രീയ ഇടപെടല് അനിവാര്യമാണെന്നും അദ്ദേഹം വ്യക്തമാക്കി. സൈനിക നടപടിക്ക് മുന്നോടിയായി അന്തിമ കൂടിയാലോചനകള് പെന്റഗണും വൈറ്റ്ഹൗസും തമ്മില് നടത്തിയിരുന്നു.
അല് അസദ് ഭരണകൂടത്തെ പുറത്താക്കുന്നതു തങ്ങളുടെ പ്രധാന അജന്ഡയില് വരുന്നതല്ലെന്നായിരുന്നു കഴിഞ്ഞയാഴ്ച ടിലേഴ്സണ് വ്യക്തമാക്കിയിരുന്നത്. രാസായുധ പ്രയോഗമാണ് അമേരിക്കയുടെ നിലപാടില് മാറ്റം വരുത്തിയത്. സിറിയന് ഭരണകൂടത്തിനു നല്കുന്ന പിന്തുണ പുനഃപരിശോധിക്കണമെന്നു റഷ്യയോട് അമേരിക്ക ആവശ്യപ്പെട്ടിരുന്നു.
https://www.facebook.com/Malayalivartha
