പണത്തിനു വേണ്ടി കാമുകന്മാരെ വഞ്ചിച്ച്കൊന്ന ജപ്പാന്‍ കാരിക്ക് കോടതി ജീവപര്യന്തം വിധിച്ചു.കനായേ കിജിമ ആണ് പ്രതി. കനായേ കിജിമയ്ക്ക് ഇപ്പോള്‍ 42 വയസ്സാണ് പ്രായം. എന്നാല്‍ കൊലപാതക കേസില്‍ അറസ്റ്റിലാകുമ്പോള്‍ അവര്‍ 33 വയസ്സുള്ള ഒരു സുന്ദരി ആയിരുന്നു.മൂന്ന് കൊലപാതകങ്ങളാണ് ഇവര്‍ നടത്തിയത്. 2009 ജനുവരിയില്‍ ആയിരുന്നു ആദ്യത്തേത്. ഓഗസ്റ്റില്‍ മൂന്നാമത്തേയും. അതിനടയില്‍ മെയ് മാസത്തിലായിരുന്നു രണ്ടാമത്തെ കൊലപാതകം. ഒരു തുള്ളി രക്തം പോലും ചീന്താതെയായിരുന്നു മൂന്ന് കൊലപാതകങ്ങളും. അതുകൊണ്ട് തന്നെ ആദ്യഘട്ടത്തില്‍ അവ കൊലപാതകങ്ങള്‍ പോലും അല്ലെന്നാണ് കരുതിയിരുന്നത്. എന്നാല്‍ പിന്നീടാണ് ഞെട്ടിപ്പിക്കുന്ന വിവരങ്ങള്‍ പുറത്ത് വന്നത്.

ഓണ്‍ലൈന്‍ ഡേറ്റിഹ് സൈറ്റുകള്‍ വഴി പരിചയപ്പെട്ടവരായിരുന്നു കിജിമയുടെ ഇരകള്‍. ആദ്യത്തെ ഇരയ്ക്ക് 52 വയസ്സായിരുന്നു പ്രായം. രണ്ടാമന് 80 വയസ്സ്. മൂന്നാമന് 41 വയസ്സും. മൂന്ന് പേരും ശ്വാസം മുട്ടി മരിച്ചതായാണ് കണ്ടെത്തിയത്. ഒരാള്‍ ടോക്യോവില്‍ മറ്റൊരാള്‍ വീട്ടിനകത്ത്. മൂന്നാമന്‍ കാറിനകത്ത്.തന്ത്രപരമായിരുന്നു കിജിമയുടെ നീക്കങ്ങള്‍. ഉറക്കഗുളിക കൊടുത്ത് ഉറക്കിക്കെടുത്തും. അതിന് ശേഷം കല്‍ക്കരി കത്തിച്ച് കാര്‍ബണ്‍ മോണോക്‌സൈഡ് സൃഷ്ടിക്കും. ഉറക്കത്തില്‍ വിഷപ്പുക ശ്വസിച്ച് മരിക്കും. കിജിമയാണ് കൊലപാതകങ്ങള്‍ നടത്തിയത് എന്ന് തെളിയിക്കാന്‍ സാക്ഷികളോ ദൃക്‌സാക്ഷികളോ ഇല്ല. ജപ്പാനില്‍ ശിക്ഷിക്കപ്പെടാന്‍ നിര്‍മായകമായ കാര്യങ്ങളാണ് ഇവ. 

പക്ഷേ എന്നിട്ടും പരമോന്നത കോടതി ഒടുവില്‍ വധശിക്ഷ തന്നെ വിധിക്കുകയായിരുന്നു. കൊല്ലപ്പെട്ട മൂന്ന് വ്യക്തികളുമായും കിജിമയ്ക്ക് ബന്ധമുണ്ടായിരുന്നു എന്ന കാര്യത്തിന് ഡിജിറ്റല്‍ തെളിവുകള്‍ ഉണ്ട്. കൊല്ലപ്പെടുന്നതിന് അധികനാള്‍ മുമ്പല്ലാതെ തുടങ്ങിയ ബന്ധങ്ങളായിരുന്നു ഇവയെല്ലാം. പിന്നെ കല്‍ക്കരി വാങ്ങിയതിന്റെ തെളിവും പോലീസിന് ലഭിച്ചു. പണത്തിന് വേണ്ടിയായിരുന്നു കിജിമ ഇതെല്ലാം ചെയ്തത്. പണം തട്ടിയെടുത്തതിന് ശേഷം ആയിരുന്നു കൊലപാതകങ്ങള്‍ നടത്തിയത്. കറുത്ത വിധവ എന്നാണ് ഇവര്‍ വിശേഷിപ്പിക്കപ്പെടുന്നത്.