ഇനി വരുന്നത് പച്ചവെള്ളം ചവച്ചു തിന്നുന്ന 'ഓഹോ' കാലം; പ്ലാസ്റ്റിക്ക് കുപ്പികള് ഔട്ടാകും
യാത്ര പോകുമ്പോള് ഇനി പ്ലാസ്റ്റിക് കുപ്പിയില് വെള്ളം കൈയില് കരുതേണ്ടതില്ല. ഒന്നോ രണ്ടോ 'ഓഹോ' കഴിച്ചാല് ദാഹം പമ്പ കടക്കും. ചവച്ചു തിന്നാന് പാകത്തില് വെള്ളം വിപണിയിലെത്തിക്കുന്നത് ലണ്ടന് ആസ്ഥാനമായി പ്രവര്ത്തിക്കുന്ന സ്കിപ്പിങ് റോക്ക്സ് ലാബ് എന്ന സ്റ്റാര്ട്ട് അപ് കമ്പനിയാണ്. ലോകത്തിനാകെ ഭീഷണിയാകുന്ന പ്ലാസ്റ്റിക് മാലിന്യങ്ങള്ക്കുള്ള ബദല് എന്ന ലക്ഷ്യമാണ് ഇത്തരമൊരു ആശയത്തിലേക്കു കമ്പനിയെ എത്തിച്ചത്.
സസ്യങ്ങളില്നിന്നും കടല്പ്പായലില്നിന്നും നിര്മിക്കുന്നു സ്വാഭാവിക വസ്തുക്കള് കൊണ്ടു നിര്മിച്ച ജെല്ലി പോലുള്ള നേര്ത്ത സ്തരം കൊണ്ട് ചെറിയ ഐസ് ക്യൂബുകള് പൊതിഞ്ഞാണ് ഓഹോ നിര്മിക്കുന്നത്. ഐസ് ഉരുകുന്നതോടെ ഇത് ഗോളാകൃതിയില് രൂപപ്പെടും. ഓറഞ്ച് പോലുള്ള പഴങ്ങളുടെ തൊലി ഉദാഹരണമാക്കിയാണ് കാല്സ്യം ക്ലോറൈഡും സോഡിയം അല്ജിനേറ്റും ഉപയോഗിച്ചുള്ള നേര്ത്ത ചര്മം നിര്മിച്ചിരിക്കുന്നത്.
ഈ നേര്ത്ത സ്തരവും ഭക്ഷണയോഗ്യമാണ്. നാലു മുതല് ആറാഴ്ചയ്ക്കുള്ളില് ഈ സ്തരം സ്വാഭാവിമായി നശിച്ചുപോകുകയും ചെയ്യും. ശീതളപാനീയങ്ങളും എന്തിനു മദ്യം വരെ ഇത്തരത്തില് പായ്ക്ക് ചെയ്തു വിപണിയിലെത്തിക്കാന് കഴിയുമെന്നാണ് കമ്പനിയുടെ അവകാശവാദം. ഓരോരോ ഫ്ളേവറില് നിര്മിക്കാന് കഴിയുന്ന സ്തരം പ്ലാസ്റ്റിക്കിനേക്കാള് ചെലവു കുറഞ്ഞതുമാണ്. ഓഹോയില് രണ്ടു നേര്ത്ത സ്തരപാളികള്ക്കുള്ളിലാണ് വെള്ളം ഉള്ക്കൊള്ളിച്ചിരിക്കുന്നത്. ആദ്യ പാളി പൊളിച്ച് രണ്ടാം പാളി പൊട്ടിച്ചു വെള്ളം കുടിക്കുകയും ചെയ്യാം.
ലണ്ടന് ബ്രിഡ്ജില് കമ്പനി നടത്തിയ പ്രദര്ശനത്തില് ഓഹോ വിഴുങ്ങിയവര് ശരിക്കും അതിശയപ്പെട്ടു. ലണ്ടനില് എഞ്ചിനീയര്മാരായ റോഡ്രിഗോ ഗാര്ഷ്യ ഗോന്സാലസ്, പീയറി പാസ്ലിയര്, ഗുലിയാമെ കൗച്ച് എന്നിവര് ചേര്ന്നാണ് ഓഹോ എന്ന ആശയം രൂപപ്പെടുത്തിയത്. മനുഷ്യനിര്മിത പഴം എന്നാണ് പിയറി ഓഹോയെ വിശേഷിപ്പിക്കുന്നത്.
2014ലാണ് ആദ്യമായി കമ്പനി ഓഹോ അവതരിപ്പിച്ചത്. ഇപ്പോള് ആയിരത്തോളം സ്വതന്ത്ര കമ്പനികളാണ് ഇവരുടെ പദ്ധതിയില് മുതല്മുടക്കാന് തയാറായി രംഗത്തുള്ളത്. ക്രൗഡ് ക്യൂബ് എന്ന ഫണ്ടിങ് സൈറ്റിലൂടെ നടത്തിയ പ്രചാരണത്തില് ആദ്യ 72 മണിക്കൂറിനുള്ളില് തന്നെ 850000 പൗണ്ട് ശേഖരിക്കാന് കമ്പനിക്കു കഴിഞ്ഞു.
https://www.facebook.com/Malayalivartha
