ഐ ഫോണ്‍ മോഷ്ടിച്ചതിനെച്ചൊല്ലിയുണ്ടായ തര്‍ക്കത്തെ തുടര്‍ന്നു അഞ്ചു പെണ്‍കുട്ടികള്‍ ചേര്‍ന്ന് ഏഴു കുട്ടികളുടെ പിതാവായ 43 കാരനെ പീഡിപ്പിച്ചു കൊലപ്പെടുത്തി. കാര്‍ പാര്‍ക്കിങ് ഏരിയയില്‍ വച്ച് വിവസ്ത്രനാക്കിയ യുവാവിനെ ലൈംഗിക അവയവത്തില്‍ മുറിവേല്‍പ്പിച്ചും മര്‍ദിച്ചുമാണ് പെണ്‍കുട്ടികള്‍ കൊലപ്പെടുത്തിയത്. ചിക്കാഗോ സ്വദേശിയായ ബുയോണോ സാഞ്ചസിനെയാണ് പെണ്‍കുട്ടികള്‍ ക്രൂരമായി കൊലപ്പെടുത്തിയത്. സംഭവവുമായി ബന്ധപ്പെട്ട് ഫോക്സ് ലേക്ക് കോര്‍ട്ണി എ ഷേര്‍മാന്‍ എന്ന പെണ്‍കുട്ടിയെയും, പ്രായപൂര്‍ത്തിയാകാത്ത രണ്ടു പെണ്‍കുട്ടികളെയും അറസ്റ്റ് ചെയ്തിട്ടുണ്ട്.

18 ഉം 17 ഉം വയസായ രണ്ടു കുട്ടികളെ കൂടി ഇനിയും അറസ്റ്റ് ചെയ്യാനുണ്ടെന്നു ചിക്കാഗോ പൊലീസ് അറിയിച്ചു. പിടിയിലായ കോര്‍ട്ണിയെയും കൂട്ടാളികളെയും ചിക്കാഗോ ട്രൈബ്യൂണിനു മുന്നില്‍ ഹാജരാക്കി.

കഴിഞ്ഞ ദിവസമായിരുന്നു കേസിനാസ്പദമായ സംഭവം. തന്റെ ഐ ഫോണ്‍ വില്‍ക്കുന്നതിനായി സാഞ്ചസ് പരസ്യം നല്‍കിയിരുന്നു. ഇതിന്റെ അടിസ്ഥാനത്തില്‍ 450 യുഎസ് ഡോളറിനു പെണ്‍കുട്ടികളുമായി സാഞ്ചസ് ഫോണ്‍ കച്ചവടം ഉറപ്പിച്ചു. റൗണ്ട് ലേക്ക് ബീച്ചിലെ കാര്‍പാര്‍ക്കിങ്ങില്‍ വച്ച് പണവും ഫോണും കൈമാറാമെന്നായിരുന്നു ഇവര്‍ ധാരണയില്‍ എത്തിയിരുന്നത്.

എന്നാല്‍, ഇവിടെ എത്തിയ പെണ്‍കുട്ടികള്‍ ഒരു കവര്‍ കാറിനുള്ളിലിരുന്ന സാഞ്ചസിനു കൈമാറിയ ശേഷം ഫോണും വാങ്ങി സംഭവ സ്ഥലത്തു നിന്നു രക്ഷപെടാന്‍ ശ്രമിച്ചു. എന്നാല്‍, താന്‍ നിര്‍ദേശിക തുക കവറിലില്ലെന്നു കണ്ട സാഞ്ചസ് ഇവരെ തിരികെ വിളിച്ച് പണം ആവശ്യപ്പെട്ടു.

ഇതോടെ ക്ഷുഭിതരായ പെണ്‍കുട്ടികള്‍ സാഞ്ചസിന്റെ കാറിന്റെ ചുറ്റിലും നിന്ന് അസഭ്യം പറയുകയും, സാഞ്ചസിനെ ആക്രമിക്കുകയും ചെയ്തു. കാറിന്റെ ചില്ല് തകര്‍ക്കാന്‍ ശ്രമിച്ച പെണ്‍കുട്ടികള്‍ സാഞ്ചസിനെ കാറിനുള്ളില്‍ നിന്നും വലിച്ചു പുറത്തിട്ടു. തടുക്കാന്‍ ശ്രമിച്ച സാഞ്ചസിന്റെ വസ്ത്രങ്ങള്‍ വലിച്ചു കീറിയ പെണ്‍കുട്ടികള്‍, ഇദ്ദേഹത്തിന്റെ ലൈംഗിക അവയവത്തില്‍ തൊഴിച്ച് പരുക്കേല്‍പ്പിക്കുകയും ചെയ്തു.

ക്രൂരമായ ലൈംഗിക ആക്രമണവും പെണ്‍കുട്ടികളില്‍ നിന്നും ഇദ്ദേഹത്തിനു നേരിടേണ്ടി വന്നു. കൈകള്‍ പിന്നിലേയ്ക്കു വലിച്ചു കെട്ടിയ ശേഷമായിരുന്നു ഇദ്ദേഹത്തിനു നേരെയുള്ള പെണ്‍കുട്ടികളുടെ ആക്രമണം. മൃതപ്രായനായി റോഡില്‍ കിടന്ന സാഞ്ചസിനെ വഴിയില്‍ ഉപേക്ഷിച്ച ശേഷം പെണ്‍കുട്ടികള്‍ രക്ഷപെടുകയും ചെയ്തു. ചിക്കാഗോ കൗണ്ടി പൊലീസ് എത്തിയാണ് സാഞ്ചസിനെ ആശുപത്രിയില്‍ എത്തിച്ചത്. അപ്പോഴേയ്ക്കും അദ്ദേഹം മരിച്ചിരുന്നു.