തീവ്രവാദ സംഘടനകള്‍ക്ക് ഖത്തര്‍ പിന്തുണ നല്‍കുന്നുണ്ടെന്ന് ആരോപിച്ച് സൗദി, യുഎഇ, ബഹ്‌റൈന്‍, ഈജിപ്ത് എന്നീ രാജ്യങ്ങള്‍ നയതന്ത്ര ബന്ധം വിച്ഛേദിച്ചിരുന്നു. അതിനു പിന്നാലെ ഖത്തറില്‍ നിന്നുള്ള തീര്‍ത്ഥാടകര്‍ക്ക് എല്ലാ സൗകര്യങ്ങളും സേവനങ്ങളും നല്‍കുമെന്ന് സൗദി അറേബ്യ പ്രഖ്യാപിച്ചു. ഖത്തറുമായുള്ള നയതന്ത്ര ബന്ധം വിച്ഛേദിച്ചത് ഹജ്ജ്ഉംറ തീര്‍ത്ഥാടകരെ ബാധിക്കില്ല. എമിറേറ്റ്‌സും ഇത്തിഹാദും അടക്കം ഈ രാജ്യങ്ങളില്‍ നിന്നുള്ള വിമാന കമ്പനികളും ഖത്തറിലേക്ക് യാത്ര നടത്തില്ലെന്ന് അറിയിച്ചിരുന്നു. എന്നാല്‍ തീര്‍ത്ഥാടകര്‍ വരുന്നതിനെ സൗദി വിലക്കേര്‍പ്പെടുത്തുന്നില്ല.

ഇതിന് പിന്നാലെ യെമനും ഖത്തറുമായി നയതന്ത്ര ബന്ധം വിച്ഛേദിച്ചിട്ടുണ്ടെന്ന റിപ്പോര്‍ട്ടുകളുണ്ട്. ഈ രാജ്യങ്ങളില്‍ നിന്ന് 14 ദിവസത്തിനകം ഖത്തര്‍ പൗരന്‍മാര്‍ പുറത്ത് പോകണമെന്നും ആവശ്യപ്പെട്ടിരുന്നു. ഖത്തറിലേക്ക് യാത്ര പൗരന്‍മാരോട് യാത്ര ചെയ്യരുതെന്ന നിര്‍ദേശവും സൗദി അറേബ്യ നല്‍കിയിട്ടുണ്ട്. കൂടാതെ ഖത്തറിലുള്ള പൗരന്‍മാരോട് 14 ദിവസത്തിനകം തന്നെ രാജ്യത്തേക്ക് തിരിച്ചെത്താനും നിര്‍ദേശിച്ചിട്ടുണ്ട്.