വാട്സാപ്പിലൂടെ തലാഖ് ചൊല്ലി വിവാഹബന്ധം വേര്പെടുത്തി, നീതി ലഭിച്ചില്ലെങ്കില് ജീവനൊടുക്കും, ദാമ്പത്യബന്ധം വേര്പ്പെടുത്തിയ യുവതി പറയുന്നതിങ്ങനെ...
ദാമ്പത്യബന്ധം വേര്പ്പെടുത്തുന്നത് ഇപ്പോള് വാട്സ് ആപ്പിലൂടെയായി. വാട്സാപ്പിലൂടെ തലാഖ് ചൊല്ലി വിവാഹബന്ധം വേര്പെടുത്തിയതായി ഭാര്യയുടെ പരാതി.
അലിഗഡ് മുസ്ലിം സര്വകലാശാലയിലെ (എഎംയു) സംസ്കൃത വിഭാഗം പ്രഫസറായ ഖാലിദ് ബിന് യൂസുഫാണ് വാട്സാപ്പിലൂടെ തലാഖ് ചൊല്ലി വിവാഹബന്ധം വേര്പെടുത്തിയതായി ഭാര്യ യാസ്മിന് പരാതി നല്കിയത്. അടുത്തമാസം 11നകം നീതി ലഭിച്ചില്ലെങ്കില് മൂന്നു കുട്ടികള്ക്കൊപ്പം എഎംയു വൈസ് ചാന്സലര്ക്കു മുന്പാകെ ജീവനൊടുക്കുമെന്നും അവര് പറഞ്ഞു.
തലാഖ് ആദ്യം വാട്സാപ്പിലും പിന്നീട് എസ്എംഎസ് മുഖേനയുമാണ് നല്കിയതെന്നാണു യാസ്മിന് പറയുന്നത്. എന്നാല്, യാസ്മിനെ രണ്ടു പ്രമുഖര്ക്കൊപ്പം നേരില് കണ്ടാണു തലാഖ് ചൊല്ലിയതെന്നും പിന്നീടാണു ഫോണ് മുഖേന സന്ദേശം അയച്ചതെന്നും ഖാലിദ് പറഞ്ഞു.
സുപ്രീംകോടതി എസ്എംഎസ്, വാട്സാപ്പ് എന്നിവ മുഖേന തലാഖ് ചൊല്ലുന്നതു നിരോധിച്ചിരുന്നു.
https://www.facebook.com/Malayalivartha