മുസ്​ലിം സമുദായത്തെ ആരും പോപ്പുലര്‍ ഫ്രണ്ടിന് തീറെഴുതി നല്‍കിയിട്ടില്ലെന്ന്​ എം.കെ മുനീര്‍. മുസ്ലീം ലീഗ് എന്നും പോപ്പുലര്‍ ഫ്രണ്ടിനെതിരെയാണ് നിലകൊണ്ടിട്ടുള്ളത്​. സി.പി.എമ്മാകട്ടെ എന്നും ലാഘവത്തോടെയാണ് പോപ്പുലര്‍ ഫ്രണ്ടിനെ കണ്ടത്. വളര്‍ത്തുമ്ബോള്‍ തിരിഞ്ഞ് കൊത്തുമെന്ന് ആലോചിക്കണമായിരുന്നുവെന്നും മുനീര്‍ പറഞ്ഞു. എസ്​.ഡി.പി.ഐയുമായി സി.പി.എം ഇപ്പോഴും പലയിടത്തും കൂട്ടുകെട്ട്​ തുടരുന്നുണ്ടെന്നും മുനീര്‍ ആരോപിച്ചു.

പല പേരുകളില്‍ അറിയപ്പെടുന്ന സംഘടനയാണ്​ പോപ്പുലര്‍ ഫ്രണ്ട്. തീവ്രവാദ സ്വഭാവമുള്ള പ്രസ്ഥാനമാണ് എസ്​.ഡി.പി.ഐ. സംഘടന നിരോധിച്ചാല്‍ അത്​ വേറൊരു രീതിയില്‍ തിരിഞ്ഞ് വരും. തീവ്രവാദം പിന്നീട് ഭീകരവാദമായി മാറുമെന്നും മുനീര്‍ പറഞ്ഞു.