സംസ്ഥാനത്ത് വിവിധയിടങ്ങളിലായി കാറ്റോടുകൂടിയ ശക്തമായ മഴ തുടരുന്നു. ഇടുക്കിയില്‍ മലയോര പ്രദേശങ്ങളിലാണ് മഴ ശക്തമായത്. രാവിലെ മുതല്‍ തുടങ്ങിയ കനത്ത മഴ ഇപ്പോഴും തുടരുകയാണ്.

തുടർച്ചയായ മഴയെ തുടർന്ന് പലയിടങ്ങളിലും മണ്ണിടിച്ചിലുണ്ടായി. കൊച്ചി-ധനുഷ്‌കോടി ദേശീയപാതയില്‍ അമ്പലപ്പടിക്കു സമീപം റോഡില്‍ മണ്ണിടിഞ്ഞു. ഒരാള്‍ അടിയില്‍പ്പെട്ടതായുള്ള സംശയത്തെത്തുടര്‍ന്ന് ഫയര്‍ഫോഴ്സ് നടത്തിയ തിരച്ചിലിൽ ഒരു സ്ത്രീയെ കണ്ടെത്തി. അതേസമയം ജാഗ്രത പാലിക്കണമെന്ന് അധികൃതരുടെ മുന്നറിയിപ്പുണ്ട്. ശക്തമായ കാറ്റിന് സാധ്യതയുണ്ടെന്ന് നേരത്തെ തന്നെ മുന്നറിയിപ്പുണ്ടായിരുന്നു.