ഇന്നലെ പുലര്‍ച്ചെയാണ് മുനമ്പത്ത് നിന്നും 14 പേരുമായി മത്സ്യ ബന്ധനത്തിനു പോയ ഓഷ്യാനിക്ക് എന്ന ബോട്ടില്‍ ദേശ ശക്തി എന്ന ഇന്ത്യന്‍ ചരക്കുകപ്പല്‍ ഇടിച്ചത്. കാണാതായ മത്സ്യത്തൊഴിലാളികള്‍ക്കു വേണ്ടിയുള്ള തിരച്ചില്‍ ഇന്നും തുടരുകയാണ്. ഒരു മലയാളി ഉള്‍പ്പടെ 9 പേര്‍ക്കു വേണ്ടിയാണ് തിരച്ചില്‍ തുടരുന്നത്. കടലിലെ നീരൊഴുക്കിനനുസരിച്ചാണ് തിരച്ചില്‍.അധികം വൈകാതെതന്നെ തിരച്ചിലിന് ഫലമുണ്ടാകുമെന്ന പ്രതീക്ഷയിലാണ് എല്ലാവരും.

നാവിക സേനയുടെയും കോസ്റ്റ് ഗാര്‍ഡിന്റെയും കപ്പലുകള്‍ രാത്രി മുഴുവന്‍ നടത്തിയ തിരച്ചില്‍ ഇപ്പോഴും തുടരുകയാണ്. പുലര്‍ച്ചെ കടലിലേയ്ക്ക് പുറപ്പെട്ട മറൈന്‍ എന്‍ഫോഴ്സ്മെന്റ് സംഘവും തിരച്ചില്‍ പുനരാരംഭിച്ചിട്ടുണ്ട്. അതേ സമയം അപകടത്തില്‍ മരിച്ച മൂന്നു പേരുടെയും മൃതദേഹം പോസ്റ്റ്മോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തു. അപകടത്തില്‍ തമിഴ്നാട് സ്വദേശികളായ 3 പേര്‍ മരിച്ചു.ഇവരുടെ മൃതദേഹം ഇന്നലെ രാത്രി തന്നെ പോസ്റ്റ്മോമോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തിരുന്നു.

ബോട്ടിന്റെ ഡ്രൈവര്‍ എഡ്വിന്‍ ഉള്‍പ്പടെ 2 പേരെ ഇന്നലെ രക്ഷപ്പെടുത്തി ആശുപത്രിയിലേക്ക് മാറ്റുകയും ചെയ്തിരുന്നു.ഇവര്‍ സുഖം പ്രാപിച്ച്‌ വരികയാണ്. അതേ സമയം കാണാതായവര്‍ക്ക് വേണ്ടി തിരച്ചില്‍ ഇന്നും തുടരുകയാണ്. നാവിക സേനയുടെയും കോസ്റ്റ് ഗാര്‍ഡിന്റെയും കപ്പലുകള്‍ ഇന്നലെ തുടങ്ങിയ തിരച്ചില്‍ ഇപ്പോഴും തുടരുകയാണ്.

ഇന്നലെ രാത്രി തിരച്ചില്‍ അവസാനിപ്പിച്ച നേവിയുടെയും കോസ്റ്റ് ഗാര്‍ഡിന്റെയും ഹെലിക്കോപ്റ്ററുകള്‍ ഇന്ന് വീണ്ടും തിരച്ചില്‍ തുടരും. മോശം കാലാവസ്ഥയെ തുടര്‍ന്ന് മറൈന്‍ എന്‍ഫോഴ്സ്മെന്‍റും ഇന്നലെ വൈകീട്ട് തിരച്ചില്‍ അവസാനിപ്പിച്ചെങ്കിലും ഇന്ന് പുലര്‍ച്ചെ കടലിലേക്ക് പുറപ്പെട്ട സംഘം തിരച്ചില്‍ തുടരുന്നുണ്ട്. കാണാതായവരുടെ ബന്ധുക്കളെ ഒപ്പം ചേര്‍ത്താണ് മറൈന്‍ എന്‍ഫോഴ്സ്മെന്റ് തിരച്ചില്‍ നടത്തുന്നത്.