കേരളം ആര് ഭരിക്കുമെന്ന് അറിയാൻ ഇനി മണിക്കൂറുകൾ മാത്രം. നാളെ (മേയ് 4) വോട്ടെണ്ണൽ നടക്കാനിരിക്കെ, തികഞ്ഞ ആത്മവിശ്വാസത്തിലാണ് മുന്നണികൾ. 'ഇടതുപക്ഷത്തിന്റെ മൂന്നാം ടേമിലേക്കുള്ള പ്രവേശനമായിരിക്കും നാളെ നടക്കുക' എന്ന് ഉറപ്പിച്ചു പറഞ്ഞ് എം.വി. ഗോവിന്ദൻ രംഗത്തെത്തി. എന്നാൽ എക്സിറ്റ് പോളുകൾ തങ്ങളെ തുണയ്ക്കുമെന്ന പ്രതീക്ഷയിൽ കെ.സി. വേണുഗോപാലും വി.ഡി. സതീശനും ഉൾപ്പെടെയുള്ള യുഡിഎഫ് നിര തലസ്ഥാനത്ത് ക്യാമ്പ് ചെയ്യുകയാണ്. ഇതിനിടയിൽ അമ്പലപ്പുഴയിൽ ജി. സുധാകരനും എച്ച്. സലാമും തമ്മിലുള്ള വാക്പോര് മുറുകുന്നത് തിരഞ്ഞെടുപ്പ് ചൂട് വീണ്ടും വർദ്ധിപ്പിക്കുന്നു...