തിരുവനന്തപുരത്ത് പെയ്ത മഴയില്‍ നടി മല്ലിക സുകുമാരന്റെ വീട്ടില്‍ വെള്ളം കയറിയതിനെ തുടർന്ന് രക്ഷപ്പെടാന്‍ അണ്ടാവ് ഉപയോഗിച്ചത് ചര്‍ച്ചയായി. ഇതേതുടർന്ന് ട്രോളര്‍മാര്‍ മല്ലികാ സുകുമാരനെ കളിയാക്കി. മല്ലികയെ രക്ഷാപ്രവര്‍ത്തകരെത്തി വീടിന് പുറത്തു കൊണ്ടുപോകുന്ന ചിത്രം സമൂഹമാധ്യമങ്ങളിൽ വൈറലാക്കിയായിരുന്നു പരിഹാസം. മകന്റെ ഒന്നര കോടിയുടെ ലംബോര്‍ഗിനി കാറിനു പോകാന്‍ കേരളത്തിലെ റോഡ് പോരാ എന്ന മല്ലികാ സുകുമാന്റെ പഴയ പ്രസ്താവനയെ  ഉയർത്തിപിടിച്ചായിരുന്നു ട്രോൾ.

എന്നാൽ ട്രോളന്മാർക്ക് മറുപടി നൽകികൊണ്ടാണ് മഴക്കെടുതിയില്‍ എറണാകുളം ജില്ലാ ഭരണകൂടം നടത്തുന്ന എല്ലാ പ്രവര്‍ത്തനങ്ങളിലും ഇന്ദ്രജിത്തും പൂര്‍ണ്ണിമയും സജീവമായത്. അവശ്യ സാധനങ്ങള്‍ ശേഖരിക്കുന്നതിലും മറ്റുമാണ് ഇവര്‍ മുന്‍ഗണന നല്‍കുന്നത്. കടവന്ത്ര കേന്ദ്രീകരിച്ചാണ് പ്രളയ ബാധിതര്‍ക്കായി ഇരുവരും പ്രവര്‍ത്തിക്കുന്നത്.

ദുരിതബാധിതർക്ക് സഹായം അഭ്യര്‍ത്ഥിച്ചുകൊണ്ട് പൂര്‍ണ്ണിമ ഫെയ്‌സ് ബുക്കിലൂടെ അഭ്യര്‍ത്ഥന നടത്തിയിരുന്നു. ദുരിത ബാധിതര്‍ക്ക് വേണ്ട സാധനങ്ങളുടെ പട്ടികയും മറ്റും ഇന്ദ്രജിത്തും ഫെയ്‌സ് ബുക്കിലൂടെ പ്രചരിപ്പിക്കുന്നുണ്ട്. ഇവര്‍ക്കൊപ്പം മക്കളും സജീവമായി തന്നെ പ്രവര്‍ത്തിക്കുന്നു. ഇത്തരത്തിൽ മല്ലിക സുകുമാരനെ ട്രോളിയവർക്കുള്ള മറുപടിയാണ് ഇന്ദ്രജിത്തിന്റേയും കുടുംബത്തിന്റേയും രക്ഷ പ്രവർത്തങ്ങൾ