ഡല്ഹിയിലെ വസതിയില് ജഡ്ജി ജീവനൊടുക്കിയ നിലയില്
ഡല്ഹിയില് താമസസ്ഥലത്ത് ജഡ്ജിയെ മരിച്ച നിലയില് കണ്ടെത്തി. 30 വയസ്സുകാരനായ അമന് കുമാര് ശര്മ്മയെയാണ് മരിച്ച നിലയില് കണ്ടെത്തിയത്. അദ്ദേഹത്തിന്റെ അളിയനാണ് പൊലീസിനെ വിവരം അറിയിച്ചത്. മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി.
ആത്മഹത്യയാണെന്ന് സംശയിക്കുന്നുണ്ടെങ്കിലും എല്ലാ വശങ്ങളും അന്വേഷിച്ചുവരികയാണെന്ന് ഉദ്യോഗസ്ഥര് പറഞ്ഞു. 2021 ജൂണ് 19നാണ് അമന് കുമാര് ശര്മ ഡല്ഹി ജുഡീഷ്യല് സര്വീസില് ചേര്ന്നത്. പൂണെയിലെ സിംബയോസിസ് ലോ സ്കൂളില് നിന്ന് 2018ല് ബിഎ എല്എല്ബി പൂര്ത്തിയാക്കിയ അദ്ദേഹം, തന്റെ ഔദ്യോഗിക കാലയളവില് സിവില്, ക്രിമിനല് വിഭാഗങ്ങളിലായി നിരവധി കേസുകള് കൈകാര്യം ചെയ്തിട്ടുണ്ട്.
ജുഡീഷ്യല് മജിസ്ട്രേട്ട് ഫസ്റ്റ് ക്ലാസായും സിവില് ജഡ്ജിയായും സേവനമനുഷ്ഠിച്ചിട്ടുണ്ട്. 2025 ഒക്ടോബറില് കര്ക്കര്ദൂമ കോടതിയിലെ നോര്ത്ത്ഈസ്റ്റ് ഡിസ്ട്രിക്റ്റ് ലീഗല് സര്വീസസ് അതോറിറ്റിയുടെ ഫുള് ടൈം സെക്രട്ടറിയായി.
https://www.facebook.com/Malayalivartha
