കൃത്യമായ മുന്നറിയിപ്പ് നല്കിയ ശേഷമാണ് കെഎസ്ഇബി അണക്കെട്ടുകള് തുറന്നത്; പ്രളയത്തിന് കാരണം ഡാമുകള് തുറക്കുന്നതില് വന്ന അപാകതയാണെന്ന ആരോപണത്തിന് വിശദീകരണവുമായി കെഎസ്ഇബി ചെയര്മാന്
കേരളത്തെ വിഴുങ്ങിയ മഹാപ്രളയത്തിന് കാരണം ഡാമുകള് തുറക്കുന്നതില് വന്ന അപാകതയാണെന്ന ആരോപണത്തിന് മറുപടിയുമായി കെഎസ്ഇബി ചെയര്മാന് എന്.എസ്. പിള്ള. ഡാമുകള് തുറന്നതില് അപാകതയില്ല. കൃത്യമായ മുന്നറിയിപ്പു നല്കിയ ശേഷമാണു കെഎസ്ഇബി അണക്കെട്ടുകള് തുറന്നത് എന്നാണ് അദ്ദേഹം പറഞ്ഞത്. ഡാം മാനേജ്മെന്റില് വന്ന വീഴ്ചയുടെ അനന്തരഫലമാണു പ്രളയമെന്ന തരത്തില് ആരോപണങ്ങള് ഉയര്ന്ന സാഹചര്യത്തിലാണ് കെഎസ്ഇബി ചെയര്മാന്റെ വിശദീകരണം.
കഴിഞ്ഞ ജൂണ് 19 മുതല് ജൂലൈ 15 വരെ ശക്തമായ മഴയാണ് കേരളത്തില് പെയ്തത്. ആസമയം ഡാമുകളിലെ ജലനിരപ്പ് ഉയര്ന്നെങ്കിലും ആശങ്കയുണ്ടാക്കിയില്ല. എന്നാല് വയനാട്ടിലെ ബാണാസുര സാഗര് ഡാമില് മാത്രം ജലനിരപ്പ് ആശങ്കയുണ്ടാക്കുന്ന രീതിയില് ഉയര്ന്നു. അന്നു മുതല് ബാണാസുര സാഗറിന്റെ ഡാം മാനേജ്മെന്റ് ഉദ്യോഗസ്ഥന്മാര് ജില്ലാ ഭരണകൂടത്തെയും ചാനലുകളെയും കബനി നദിയിലെ ബിച്ചനഹള്ളി എന്ന ഡാം അതോറിറ്റിയെയും രേഖാമൂലം അറിയിച്ചുകൊണ്ട് ജൂലൈ 15 മുതല് ഡാം തുറന്നുവിട്ടിരുന്നുവെന്നും അദ്ദേഹം വ്യക്തമാക്കി.
https://www.facebook.com/Malayalivartha
