തനിക്കെതിരായ പരാതിക്ക് പിന്നില് ഗൂഢാലോചനയെന്ന് ജലന്തര് ബിഷപ്പ് ഫ്രാങ്കോ മുളയ്ക്കല്, സമരത്തിലൂടെ സര്ക്കാരിനെ സമ്മര്ദ്ദത്തിലാക്കാനാണ് കന്യാസ്ത്രീകളുടെ ശ്രമം, നിയമനടപടികളുമായി സഹകരിക്കുമെന്നും ബിഷപ്പ്
തനിക്കെതിരായ പരാതിക്ക് പിന്നില് ഗൂഢാലോചനയെന്ന് ജലന്തര് ബിഷപ്പ് ഫ്രാങ്കോ മുളയ്ക്കല്. സഭയ്ക്കെതിരായ ശക്തികള് കന്യാസ്ത്രീകളെ ഉഫയോഗിക്കുന്നു. സമരം ചെയ്യാനുള്ള സ്വാതന്ത്ര്യം കന്യാസ്ത്രീകള്ക്കുണ്ട്. കന്യാസ്ത്രീകളെ മുന്നിര്ത്തി സഭയെ ആക്രമിക്കാനാണ് നീക്കം. നിയമനടപടികളുമായി സഹകരിക്കുമെന്നും വാര്ത്താ ഏജന്സിയായ എ.എന്.ഐയ്ക്ക് നല്കിയ അഭിമുഖത്തില് അദ്ദേഹം വ്യക്തമാക്കി. തുടക്കം മുതല് അന്വേഷണവുമായി പൂര്ണമായും സഹകരിക്കുന്നുണ്ട്. അന്വേഷണ സംഘം ജലന്തറിലെത്തിയപ്പോഴും സഹകരിച്ചിരുന്നു. കന്യാസ്ത്രീകളുടെ സമരം സര്ക്കാരില് സമ്മര്ദ്ദം ചെലുത്താനുള്ള ശ്രമമാണ്.
ഫ്രാങ്കോ മുളയ്ക്കലിനെതിരെ കന്യാസ്ത്രീകളും ക്രിസ്ത്യന് ജോയിന്റ് കൗണ്സിലും നടത്തിവരുന്ന സമരം ശക്തമാവുകയും ജനപിന്തുണ കൂടിവരുകയും ചെയ്യുന്നതോടെയാണ് വിവാദങ്ങള്ക്ക് ശേഷം മാധ്യമങ്ങള്ക്ക് മുന്നില് പ്രത്യക്ഷപ്പെടാതിരുന്ന ബിഷപ്പ് ഇന്ന് വാര്ത്താ ഏജന്സിയോട് സംസാരിച്ചത്. ബിഷപ്പിനെ ചോദ്യം ചെയ്യാന് പൊലീസ് ചെയ്യന്നോള് കൂടെ പോയ കേരളത്തിലെ മാധ്യമപ്രവര്ത്തകരെ ബിഷപ്പ്ഹൗസിലെ സെക്യൂരിറ്റിക്കാര് ആക്രമിച്ചപ്പോഴും അദ്ദേഹം മൗനം പാലിക്കുകയായിരുന്നു.
https://www.facebook.com/Malayalivartha
