വിജയ് ചിത്രം 'ജനനായകന്' സിനിമ ചോര്ച്ചയില് ചെന്നൈയില് മൂന്ന് പേര് കൂടി പിടിയില്
വിജയ് നായകനായ 'ജനനായകന്' സിനിമയുടെ ദൃശ്യങ്ങള് ചോര്ന്ന സംഭവത്തില് നിര്ണ്ണായക വഴിത്തിരിവ്. കേസിലെ മുഖ്യപ്രതിയടക്കം മൂന്ന് പേരെ കൂടി ചെന്നൈ പോലീസ് സൈബര് ക്രൈം വിഭാഗം അറസ്റ്റ് ചെയ്തു. ഒരു ഫ്രീലാന്സ് എഡിറ്ററാണ് കേസിലെ ഒന്നാം പ്രതിയെന്നാണ് വിവരം. ഇതോടെ സിനിമ ചോര്ച്ചയുമായി ബന്ധപ്പെട്ട് പിടിയിലായവരുടെ എണ്ണം ഒന്പതായി.
മറ്റൊരു സിനിമയുടെ എഡിറ്റിംഗ് ജോലികള്ക്കായി സ്റ്റുഡിയോയില് എത്തിയപ്പോഴാണ് പ്രതി 'ജനനായകന്' സിനിമയുടെ ദൃശ്യങ്ങള് അനധികൃതമായി കൈക്കലാക്കിയത്. സ്റ്റുഡിയോയിലെ കമ്പ്യൂട്ടറില് നിന്ന് സിനിമയുടെ പ്രധാന ഭാഗങ്ങള് രഹസ്യമായി പകര്ത്തി മാറ്റുകയായിരുന്നുവെന്ന് പോലീസ് കണ്ടെത്തി. ഈ ദൃശ്യങ്ങള് പിന്നീട് ഇയാള് മറ്റുള്ളവര്ക്ക് കൈമാറുകയും സോഷ്യല് മീഡിയ വഴി പ്രചരിക്കുകയുമായിരുന്നു.
സിനിമയുടെ ദൃശ്യങ്ങള് ഇന്റര്നെറ്റില് വ്യാപകമായി പ്രചരിച്ചതിനെത്തുടര്ന്ന് നിര്മ്മാതാക്കള് നല്കിയ പരാതിയിലാണ് സൈബര് െ്രെകം വിഭാഗം അന്വേഷണം ആരംഭിച്ചത്. ദൃശ്യങ്ങള് പ്രചരിപ്പിച്ച ആറ് പേരെ പോലീസ് നേരത്തെ തന്നെ പിടികൂടിയിരുന്നു. ഇവരെ ചോദ്യം ചെയ്തതില് നിന്നാണ് ദൃശ്യങ്ങള് ചോര്ത്തിയ എഡിറ്ററെക്കുറിച്ചുള്ള സൂചനകള് ലഭിച്ചത്.
https://www.facebook.com/Malayalivartha
