ഓഹരി വിപണിയിൽ ഇന്നും മുന്നേറ്റം. ബിഎസ്ഇ സെൻസെക്‌സ് 600 പോയിന്റ് കുതിച്ചു. നിലവിൽ 78,500ന് മുകളിലാണ് സെൻസെക്‌സ്. നിഫ്റ്റിയിലും സമാനമായ മുന്നേറ്റമാണ് ദൃശ്യമായത്.

പശ്ചിമേഷ്യൻ സംഘർഷത്തിന് അയവ് വന്നതിനെ തുടർന്ന് ആഗോള വിപണിയിൽ എണ്ണവില കുറഞ്ഞതാണ് ഓഹരി വിപണിയെ സ്വാധീനിക്കുന്നത്.
ഡോളറിനെതിരെ രൂപയുടെ മൂല്യം ഉയർന്നതും വിപണിയെ സ്വാധീനിക്കുകയും ചെയ്യുന്നുണ്ട്.

ആറു പൈസയുടെ നേട്ടത്തോടെ 93.27 എന്ന നിലയിലാണ് രൂപ. എണ്ണവില കുറഞ്ഞതാണ് രൂപ കരുത്താർജിക്കാനായി കാരണം. ഹിൻഡാൽകോ, അധാനി എന്റർപ്രൈസസ്, ജെഎസ്ഡബ്ല്യൂ സ്റ്റീൽ, ടാറ്റ സ്റ്റീൽ, ലാർസൻ ഓഹരികളാണ് പ്രധാനമായി നേട്ടമുണ്ടാക്കുന്നത്. അതേസമയം ഭാരതി എയർടെൽ, എച്ച്‌സിഎൽ ടെക്, സൺ ഫാർമ, കോൾ ഇന്ത്യ ഓഹരികൾ നഷ്ടത്തിലാണുള്ളത്.