പൊലീസ് ഹൈകോടതിയില്‍ സമര്‍പ്പിച്ച എഫ്.ഐ.ആറിലാണ് കേസിനെ കുറിച്ചുള്ള കൂടുതല്‍ വിവരങ്ങള്‍ ഉള്ളത് ...ബിഷപ്പ് ഫ്രാങ്കോ മുളക്കല്‍ പരാതിക്കാരിയായ കന്യാസ്ത്രീയെ പ്രകൃതിവിരുദ്ധ പീഡനത്തിന് ഇരയാക്കിയെന്നാണ് പോലീസിന്റെ എഫ്.ഐ.ആറില്‍ പ്യക്തമാക്കുന്നത്. കന്യാസ്ത്രീക്കെതിരായ ആദ്യ പീഡനം നടന്നത് 2014 മെയ് അഞ്ചിനാണ്. പീഡനവിവരം പുറത്ത് പറയരുതെന്ന് ബിഷപ്പ് ഭീഷണിപ്പെടുത്തിയെന്നും എഫ്.ഐ.ആറില്‍ പറയുന്നു. 2014 മുതല്‍ 2016 വരെയുള്ള കാലയളവില്‍ ഫ്രാങ്കോ മുളക്കല്‍ കന്യാസ്ത്രീയെ 13 തവണ പീഡനത്തിനിരയാക്കിയെന്നും പൊലീസ് കോടതിയില്‍ സമര്‍പ്പിച്ച എഫ്.ഐ.ആറില്‍ വ്യക്തമാക്കുന്നു. കേസിന്റെ ഭാഗമായി 81 സാക്ഷികളെ വിസ്തരിച്ചുവെന്നും 34 രേഖകള്‍ പിടിച്ചെടുത്തുവെന്നും പൊലീസ് കോടതിയില്‍ സമര്‍പ്പിച്ച റിപ്പോര്‍ട്ടില്‍ ചൂണ്ടിക്കാട്ടുന്നു.

അതേസമയം കന്യാസ്ത്രീയെ ബലാല്‍സംഗം ചെയ്തെന്ന പരാതിയില്‍ മൊഴികളിലും രേഖകളിലും വൈരുദ്ധ്യമുണ്ടെന്ന് കോട്ടയം എസ്.പി ഹരിശങ്കര്‍ മാധ്യമങ്ങളോട് പറഞ്ഞു നാല് വര്‍ഷം മുമ്പ് നടന്ന സംഭവമായതിനാല്‍ വൈരുദ്ധ്യം സ്വാഭാവികമാണ്. അതിനാല്‍ ഇതെല്ലാം വിശദമായി പരിശോധിക്കും. ബിഷപ്പ് പരാതിക്കാരിയായ കന്യാസ്ത്രീയെ സ്വാധീനിക്കാന്‍ ശ്രമിച്ചിരുന്നു. അതിന് രേഖകളുണ്ടെന്നും അദ്ദേഹം പറഞ്ഞു. അന്വേഷണ പുരോഗതിവിലയിരുത്തി ഹൈക്കോടതിയില്‍ ഇന്ന് സമര്‍പ്പിച്ച റിപ്പോര്‍ട്ടിലാണ് എസ്.പി ഇക്കാര്യങ്ങള്‍ അറിയിച്ചത്. ഒരു മാസത്തിന് ശേഷം അന്വേഷണത്തില്‍ എന്തൊക്കെ നടന്നു, കന്യാസ്ത്രീക്ക് സുരക്ഷ സംബന്ധിച്ച വിവരങ്ങള്‍, ബിഷപ്പിന്റെ അറസ്റ്റിനെ കുറിച്ചുള്ള കാര്യങ്ങള്‍ എന്നിവയാണ് റിപ്പോര്‍ട്ടിലുള്ളതെന്നും എസ്.പി വ്യക്തമാക്ക

19ന് ബിഷപ്പ് ഫ്രാങ്കോ മുളയ്ക്കലിനെ ചോദ്യം ചെയ്ത ശേഷമേ കേസിനെ കുറിച്ച് പൂര്‍ണമായ ധാരണ ലഭിക്കകയുള്ളു. അറസ്റ്റിനെ കുറിച്ച് അതിന് ശേഷമേ തീരുമാനിക്കൂ. ജൂണ്‍ 29 മുതല്‍ കന്യാസ്ത്രീയുടെയും അവരുടെ കുടുംബാംഗങ്ങളുടെയും സുരക്ഷ ശക്തമാക്കിയിട്ടുണ്ട്. മഠത്തിന് ചുറ്റും പട്രോളിംഗ് നടത്തുന്നുണ്ട്. എന്തെങ്കിലും അനിഷ്ടസംഭവങ്ങളുണ്ടായാല്‍ കുറവിലങ്ങാട് പൊലീസ് സ്റ്റേഷനില്‍ വിവരം അറിയിക്കാവുന്ന തരത്തിലുള്ള ടെലഫോണിക് റിസീവര്‍ സംവിധാനം മഠത്തില്‍ സ്ഥാപിച്ചിട്ടുണ്ട്. വൈക്കം ഡിവൈ.എസ്.പി അന്വേഷണം ഏറ്റെടുത്തത് മുതല്‍ നാല് തരത്തിലുള്ള സുരക്ഷാ ക്രമീകരണങ്ങളാണ് ഇരയ്ക്ക് ഒരുക്കിയിട്ടുള്ളതെന്നും എസ്.പി പറഞ്ഞു. ടെലഫോണിലൂടെ കന്യാസ്ത്രീയെ ഭീഷണിപ്പെടുത്തിയതിനും മഠത്തിലെ ജീവനക്കാരന്‍ വഴി കന്യാസ്ത്രീയെ സ്വാധീനിക്കാന്‍ ശ്രമിച്ചതിനും പൊലീസ് കേസെടുത്തിട്ടുണ്ട്. ഭീഷണിപ്പെടുത്തിയതിന്റെ ശബ്ദരേഖകള്‍ അന്വേഷണസംഘത്തിന് ലഭിച്ചിട്ടുണ്ട്. കോട്ടയത്ത് മാത്രം ഒതുങ്ങി നില്‍ക്കുന്ന കേസ് അല്ലാത്തതിനാല്‍ അന്വേഷണത്തിന് സമയം വേണ്ടിവരുമെന്നും എസ്പി വ്യക്തമാക്കി.