പീഡനത്തിനിരയായി അമിത രക്തസ്രാവത്തെ തുടര്‍ന്ന കുടമാളൂരിലെ ആശുപത്രിയില്‍ പ്രവേശിപ്പിക്കപ്പെട്ടിരിക്കുന്ന യുവതി അപകടനില തരണം ചെയ്തിരിക്കുകയാണ്. ഒരു മാസം വിശ്രമിച്ചാലേ യുവതിക്ക് നടന്നു തുടങ്ങാന്‍ കഴിയൂ. പീഡനക്കേസില്‍ ജാമ്യം കിട്ടുന്ന കാര്യവും ബുദ്ധിമുട്ടിലായതോടെ പെണ്‍കുട്ടിയുടെ സമ്മതപ്രകാരമാണ് ബന്ധപ്പെട്ടതെന്ന് സ്ഥാപിച്ച് കേസില്‍ നിന്നും തലയൂരാനാണ് ഇനി മുന്‍ മിസ്റ്റര്‍ ഇന്ത്യയുടെ ശ്രമം.

അതേസമയം യുവതിയെ ഹോട്ടല്‍ മുറിയില്‍ ബലാത്സംഗം ചെയ്ത കേസില്‍ റിമാന്‍ഡിലായിരുന്ന മുന്‍ മിസ്റ്റര്‍ ഏഷ്യ മുരളി കുമാറിന് ജാമ്യം അനുവദിച്ചു. കോട്ടയം ഫസ്റ്റ്ക്ലാസ് മജിസ്‌ട്രേറ്റ് കോടതി അന്വേഷണം പൂര്‍ത്തിയാകുന്നതുവരെ കോട്ടയം വെസ്റ്റ് പോലീസ് അതിര്‍ത്തി കടക്കരുതെന്ന വ്യവസ്ഥയിലാണ് ജാമ്യം അനുവദിച്ചത്. ആരോ സ്‌പ്രേ അടിച്ച് ബോധം കെടുത്തിയതാണെന്നും മുരളിചേട്ടനാണ് ആശുപത്രിയില്‍ എത്തിച്ചതെന്നും പെണ്‍കുട്ടി പറഞ്ഞന്നെുള്ള ഡോക്ടറുടെ മൊഴിയും.

ഇരുവരൂടെയും ഫോണ്‍സംഭാഷണങ്ങളും സന്ദേശങ്ങളും കോടതി പരിശോധിച്ചതിന്റെയും അടിസ്ഥാനത്തിലാണ് ജാമ്യം നല്‍കിയത്. പെണ്‍കുട്ടിയുടെ മൊഴിയില്‍ വൈരുദ്ധ്യമുണ്ടെന്നും ഉഭയ സമ്മതത്തോടെയുള്ള ലൈംഗിക ബന്ധത്തില്‍ ഏര്‍പ്പെട്ടതെന്നും പ്രതിഭാഗം വക്കില്‍ കോടതിയില്‍ വാദിച്ചു. കേസിന്റെ ചാര്‍ജ് ഷീറ്റ് ഇതുവരെ കോടതിയില്‍ ഹാജരാക്കിട്ടില്ല ഇതിനുശേഷം മാത്രമെ ഇനിയുള്ള വിചാരണ നടപടികള്‍ പൂര്‍ത്തിയാകുകയുള്ളു.

കോട്ടയം ബാര്‍ അസോസിയേഷനിലെ അഡ്വ: സി.എസ് അജയനാണ് മുരളി കുമാറിനുവേണ്ടി ഹാജരായത്. ജാമ്യം ലഭിച്ചതോടെ മുന്‍ മിസ്റ്റര്‍ ഏഷ്യക്ക് വ്യായമങ്ങളും ചിട്ടയായ ഭക്ഷണക്രമങ്ങളും തുടരാം. അറസ്റ്റിലായതോടെ മുന്‍ മിസ്റ്റര്‍ ഏഷ്യയുടെ ഭക്ഷണക്രമങ്ങളും വ്യായാമങ്ങളും തെറ്റിയിരുന്നു. കേസില്‍ പെട്ടതോടെ രണ്ടു തവണ മിസ്റ്റര്‍ ഏഷ്യ വരെയായ ഈ നേവി ഉദ്യോഗസ്ഥന്റെ ജോലിയും പരുങ്ങലിലായി.

കഴിഞ്ഞ ദിവസമാണ് മിസ്റ്റര്‍ ഇന്ത്യയ്‌ക്കെതിരേ യുവതിയുടെ ആരോപണം പുറത്തു വന്നത്. സംഭവത്തില്‍ കഴിഞ്ഞ ദിവസം യുവതിയുടെ മൊഴിയെടുത്തിരുന്നു. രണ്ടാമത് നല്‍കിയ മൊഴിയുടെ അടിസ്ഥാനത്തിലാണ് മുരളിയെ പോലീസ് അറസ്റ്റ് ചെയ്‍തത്.