എല്ലാം ദൈവത്തിനു സമര്പ്പിക്കുന്നു; ബിഷപ്പ് മനസ്സുകൊണ്ട് കീഴടങ്ങിയോ; ചോദ്യം ചെയ്യലിനു ഹാജരാകാന് നോട്ടിസ് ലഭിച്ചതിനുപിന്നാലെ ചുമതലകള് കൈമാറി ജലന്തര് ബിഷപ്പ് ഫ്രാങ്കോ മുളയ്ക്കല്
എല്ലാം എവിടെയോ കൈവിട്ടു പോകുന്നതുപോലെ എന്ന് ഇപ്പോള് ബിഷപ്പിന് തോനുന്നുണ്ടെങ്കില് അത് തികച്ചും യാദൃശ്ചികം മാത്രം എന്നേ പറയാനാകൂ. കാരണം ചോദ്യം ചെയ്യലിന് വീണ്ടും നോട്ടീസ് ലഭിച്ചതോടുകൂടി സഭയും ബിഷപ്പിനെ കൈവിട്ട മട്ടാണ്. അതുകൊണ്ടുതന്നെ നൈസായി പദവി ഒഴിയാനുള്ള തീരുമാനത്തിന്റെ ഭാഗമായാണോ എന്തോ തന്റെ ചുമതലകള് കൈമാറിയതായി അറിയിച്ചിരിക്കുകയാണ് ജലന്തര് ബിഷപ്പ് ഫ്രാങ്കോ മുളയ്ക്കല്. ഇതു സംബന്ധിച്ചുളള സര്ക്കുലര് മലയാളി വാര്ത്തയ്ക്ക് ലഭിച്ചു. എന്നാല് രൂപതയില് നിന്ന് മാറിനില്ക്കുമ്പോള് നടത്തുന്ന സാധാരണ നടപടിയുടെ ഭാഗമായാണിതെന്ന് ഇതെന്നാണ് കുറിപ്പിലെ വിശദീകരണം
കന്യാസ്ത്രീയുടെ പരാതിയില് ചോദ്യം ചെയ്യലിനു ഹാജരാകാന് നോട്ടിസ് ലഭിച്ചതിനുപിന്നാലെ ചുമതലകള് കൈമാറി ജലന്തര് ബിഷപ്പ് ഫ്രാങ്കോ മുളയ്ക്കല്. ഫാ.മാത്യു കോക്കണ്ടത്തിനാണ് രൂപതയുടെ ഭരണചുമതല. രൂപതയില് നിന്ന് മാറിനില്ക്കുമ്പോള് നടത്തുന്ന സാധാരണ നടപടിയുടെ ഭാഗമായാണിതെന്ന് ഇതു സംബന്ധിച്ചുള്ള കുറിപ്പില് ബിഷപ്പ് ഫ്രാങ്കോ മുളയ്ക്കല് വിശദമാക്കുന്നു.
ഫാ.ബിബിന് ഓട്ടക്കുന്നേല്, ഫാ.ജോസഫ് തേക്കുംകാട്ടില്, ഫാ.സുബിന് തെക്കേടത്ത് എന്നിവര്ക്കും ചുമതലകള് ഉണ്ട്. അന്വേഷണത്തിന്റെ ഫലം അറിയുന്നതു വരെയാണ് മാറ്റം. എല്ലാം ദൈവത്തിനു കൈമാറുന്നുവെന്നും തനിക്കും പരാതിക്കാരിക്കും വേണ്ടി പ്രാര്ഥിക്കണമെന്നും സര്ക്കുലറില് പറയുന്നു.
കുറിപ്പിലെ ചില പരാമര്ശങ്ങള് ഇങ്ങനെ. ഉയര്ന്ന ആരോപണങ്ങള് സംബന്ധിച്ച് പൊലീസ് തയാറാക്കിയ റിപ്പോര്ട്ടിലെ തെളിവുകളില് നിരവധി വൈരുധ്യങ്ങളുണ്ട്. എനിക്കും ആരോപണം ഉന്നയിച്ചയാള്ക്കും അവര്ക്ക് ഒപ്പമുള്ളവര്ക്കും വേണ്ടി പ്രാര്ഥിക്കണം. ദൈവത്തിന്റെ കൃപയാല് മനപരിവര്ത്തനത്തിലൂടെ സത്യം പുറത്തുവരുന്നതിനാണിത്. ആരോപണവുമായി ബന്ധപ്പെട്ട അന്വേഷണത്തിലെ കണ്ടെത്തലുകള് കാത്തിരിക്കുന്നതിനൊപ്പം എല്ലാം ദൈവത്തിന്റെ കരങ്ങളില് അര്പ്പിക്കുന്നു.
നേരത്തെ, പീഡന പരാതിയെ തുടര്ന്നു ചുമതലയില് നിന്നു മാറിനില്ക്കാന് ബിഷപ്പിനോട് വത്തിക്കാന് ആവശ്യപ്പെടുമെന്നു വാര്ത്തകള് ഉണ്ടായിരുന്നു. കേരളത്തിലെ സഭാനേതൃത്വത്തില് നിന്നു വത്തിക്കാന് വിശദാംശങ്ങള് തേടി. കേസില് ചോദ്യം ചെയ്യലിനു ഹാജരാകണമെന്നാവശ്യപ്പെട്ട് അന്വേഷണ സംഘം അയച്ച നോട്ടിസ് ബിഷപ്പ് ഫ്രാങ്കോ മുളയ്ക്കല് കൈപ്പറ്റിയിട്ടുണ്ട്. ഈ മാസം 19ന് അന്വേഷണ സംഘത്തിനു മുന്നില് ഹാജരാകുമെന്നു ബിഷപ്പ് ഫ്രാങ്കോ മുളയ്ക്കല് അറിയിച്ചു. മുന്കൂര് ജാമ്യം അടക്കമുള്ള കാര്യങ്ങളില് ഇതുവരെ തീരുമാനമെടുത്തിട്ടില്ലെന്നു രൂപത അധികൃതര് വ്യക്തമാക്കി. അതിനിടെ, പീഡന പരാതിയില് ബിഷപ് ഫ്രാങ്കോ മുളയ്ക്കലിനെ അറസ്റ്റു ചെയ്യണമെന്ന് ആവശ്യപ്പെട്ട് കൊച്ചിയില് നടക്കുന്ന സമരം എട്ടാം ദിവസത്തിലേക്കു കടന്നു. സിറോ മലബാര് സഭയിലെ കൂടുതല് വൈദികരും കന്യാസ്ത്രീകളും സമരത്തില് പങ്കുചേരാന് ഇന്നെത്തുമെന്നാണ് സൂചന. രാവിലെ മുതല് സമരവേദിയിലേക്കു നൂറുകണക്കിനു പേര് എത്തുന്നുണ്ട്. സേവ് അവര് സിസ്റ്റര് ആക്ഷന് കൗണ്സിലിന്റെ നേതൃത്വത്തില് നടക്കുന്ന സമരത്തിനു രാഷ്ട്രീയ സാമൂഹ്യ സാംസ്കാരിക രംഗങ്ങളില്നിന്ന് വലിയ പിന്തുണയാണ് ലഭിക്കുന്നത്. തിങ്കളാഴ്ച മുതല് സമരം കൂടുതല് ശക്തമാക്കാനാണ് തീരുമാനം.
https://www.facebook.com/Malayalivartha
