മുന്‍ നിലപാട് മാറ്റി നമ്പിനാരായണന്‍. കേസ് തുടരും ഞാന്‍ തോറ്റ് പിന്‍മാറില്ല. അഞ്ച് മിനിറ്റ് കൊണ്ട് ആ പണം തീരും. നിരവധിപേര്‍ ഈ നിയമപോരാട്ടത്തില്‍ സഹായിച്ചിരുന്നു.പെന്‍ഷനും,മറ്റ് എല്ലാ സമ്പാദ്യങ്ങളും കേസിനായി ചിലവഴിച്ചു' അദ്ദേഹം പറഞ്ഞു.
കേസില്‍ കുടുക്കിയവര്‍ ആരാണെന്നോ,എന്തിനാണേന്നോ അറിയില്ല.മാനനഷ്ടക്കേസ് ഫയല്‍ ചെയ്യുമ്പോള്‍ വളരെ ദു:ഖിച്ചു.നോട്ടീസ് അയക്കുമ്പോഴെല്ലാം കോടതിയില്‍ പോകണമായിരുന്നു. സംസ്ഥാന പൊലീസ് മാത്രമല്ല ഐബി ഉദ്യോഗസ്ഥരും പീഡിപ്പിച്ചു. അവരെയൊക്കെ തിരിച്ചറിയാന്‍ സാധിക്കും.സുപ്രീം കോടതി നിയോഗിച്ച ജുഡീഷ്യല്‍ കമ്മീഷന്‍ ആവശ്യപ്പെട്ടാല്‍ മൊഴി നല്‍കും. ഇല്ലാത്ത കഥകള്‍ എഴുതിയ മാദ്ധ്യമങ്ങളും മലയാളത്തിലുണ്ട്.ഈ കഥകളൊക്കെ ആര് പറഞ്ഞിട്ടാണ് എഴുതിയതെന്ന് അവര്‍ വ്യക്തമാക്കണം.ചെയ്യാത്ത തെറ്റിന് വലിയ ശിക്ഷയായിരുന്നു ഇത്.സുപ്രീംകോടതിയില്‍ കേസ് പരിഗണിച്ച ജഡ്ജിമാര്‍ സത്യം അറിഞ്ഞ് എനിക്ക് വേണ്ടി വാദിക്കുമ്പോലെയാണ് തോന്നിയത്,അദ്ദേഹം പറഞ്ഞു.