കേരളം മുഴുവന്‍ ഇന്ന ഉറ്റുനോക്കിക്കൊണ്ടിരുന്ന കന്യാസ്ത്രിക്കെതിരായ പീഠന പരാതിയില്‍ ആദ്യ ഘട്ട ചോദ്യം ചെയ്യല്‍ ഇന്ന് പൂര്‍ത്തിയായി. പൊലീസിന്റെ ചോദ്യങ്ങളെ ബിഷപ്പപ്പ് തെളിവുകള്‍ നിരത്തിയാണ് നേരിട്ടതെന്നാണ് അന്വേഷണസംഘത്തില്‍ നിന്നും ലഭിക്കുന്ന സൂചന. പീഡനം നടന്നുവെന്ന് പറയുന്ന ദിവസം ദിവസം കുറവിലങ്ങാട് മഠത്തില്‍ താമസിച്ചിട്ടില്ലെന്നും ബിഷപ്പ് ആവര്‍ത്തിച്ചു എന്നാല്‍ ബിഷപ്പ് പറയുന്നതെല്ലാം പച്ചക്കള്ളമെന്നാണ് സിസ്റ്റര്‍ അനുപമ പറയുന്നത്. പരാതിക്കാരിയായ കന്യാസ്ത്രീയെ ബിഷപ്പ് വ്യക്തിഹത്യ ചെയ്യുകയാണെന്നും അനുപമ ആരോപിച്ചു. അതേസമയം കേസിലെ നിര്‍ണായക നിലപാട് നാള ഉണ്ടാകുമെന്നാണ് സൂചന

ബിഷപ്പ് ഫ്രാങ്കോ മുളയ്ക്കല്‍ പറയുന്നത് പച്ചക്കള്ളമെന്ന് സിസ്റ്റര്‍ അനുപമ. പരാതിക്കാരിയായ കന്യാസ്ത്രീയെ ബിഷപ്പ് വ്യക്തിഹത്യ ചെയ്യുകയാണെന്നും അവര്‍ ആരോപിച്ചു. അന്വേഷണസംഘത്തിന് മുമ്പില്‍ ബിഷപ്പ് ഫ്രാങ്കോ മുളയ്ക്കല്‍ കെട്ടുകഥ ആവര്‍ത്തിക്കുകയാണ്. സത്യമെന്തായാലും പുറത്തുവരും. ജനങ്ങളുടെ പിന്തുണ വലിയ ആശ്വാസമാണെന്നും സിസ്റ്റര്‍ അനുപമ പ്രതികരിച്ചു.

കന്യാസ്ത്രീയെ പീഡിപ്പിച്ചുവെന്ന കേസില്‍ ജലന്ധര്‍ ബിഷപ്പ് ഫ്രാങ്കോ മുളക്കലിനെ അന്വേഷണസംഘം ഏഴുമണിക്കൂര്‍ ചോദ്യം ചെയ്തു. വ്യാഴാഴ്ചയും ചോദ്യം ചെയ്യല്‍ തുടരും. തൃപ്പൂണിത്തുറ ക്രൈംബ്രാഞ്ച് ഹൈടെക് സെല്‍ ഓഫീസിലാണ് ചോദ്യം ചെയ്യല്‍. താന്‍ നിരപരാധിയാണെന്ന് ബിഷപ്പ് ഫ്രാങ്കോ ചോദ്യം ചെയ്യലിനിടെ ആവര്‍ത്തിച്ചു.

വ്യാഴാഴ്ച രാവിലെ 11 ന് ഹാജരാകണമെന്ന് ബിഷപ്പിനോട് നിര്‍ദ്ദേശിച്ചിട്ടുണ്ടെന്ന് കോട്ടയം എസ്.പി ഹരിശങ്കര്‍ മാധ്യമങ്ങളോട് പറഞ്ഞു. ചോദ്യം ചെയ്യലിന്റെ ഒന്നാം ഘട്ടം പൂര്‍ത്തിയാക്കി. അന്വേഷണം പൂര്‍ത്തിയാകാത്ത സാഹചര്യത്തില്‍ വിശദാംശങ്ങള്‍ മാധ്യമങ്ങളോട് വെളിപ്പെടുത്താനാകില്ല. ബിഷപ്പ് അന്വേഷണവുമായി സഹകരിക്കുന്നുണ്ടെന്നും എസ്.പി പറഞ്ഞു.

അതിനിടെ, ചോദ്യം ചെയ്യലിനുശേഷം ക്രൈംബ്രാഞ്ച് ഓഫീസില്‍നിന്ന് പുറത്തേക്കുവന്ന ബിഷപ്പ് ഫ്രാങ്കോയെ എ.ഐ.വൈ.എഫ് പ്രവര്‍ത്തകര്‍ കരിങ്കൊടി കാണിച്ചു. ഓഫീസിനു മുന്നില്‍ നിലയുറപ്പിച്ച നാല് പ്രവര്‍ത്തകര്‍ നാടകീയമായാണ് ബിഷപ്പിന്റെ കാറിന് മുന്നിലേക്ക് ചാടിവീണത്. ബിഷപ്പിനെ അറസ്റ്റു ചെയ്യാന്‍ തയ്യാറാവാത്ത പോലീസ് നടപടിക്കെതിരെ ആയിരുന്നു പ്രതിഷേധം. പോലീസ് അകമ്പടിയോടെയാണ് ബിഷപ്പ് പുറത്തേക്ക് വന്നതെങ്കിലും പ്രതിഷേധക്കാരെ തടയാന്‍ പോലീസിന് കഴിഞ്ഞില്ല. കരിങ്കൊടി കാണിച്ച എ.ഐ.വൈ.എഫ് പ്രവര്‍ത്തകരെ പോലീസ് കസ്റ്റഡിയിലെടുത്തു.

കോട്ടയം എസ്.പിയുടെയും വൈക്കം ഡിവൈഎസ്പിയുടെയും നേതൃത്വത്തിലാണ് ബിഷപ്പിനെ ചോദ്യം ചെയ്തത്. വ്യക്തി വൈരാഗ്യം മൂലമാണ് കന്യാസ്ത്രീ പരാതി നല്‍കിയതെന്ന് ചോദ്യം ചെയ്യലില്‍ ബിഷപ്പ് പറഞ്ഞതായാണ് റിപ്പോര്‍ട്ട്. എന്നാല്‍ കന്യാസ്ത്രീക്കെതിരെ ആരോപണമുന്നയിച്ചപ്പോള്‍ പോലീസ് വിലക്കിയെന്നാണ് ലഭ്യമായ വിവരം. പീഡനം നടന്നുവെന്ന് പറയുന്ന ദിവസം ദിവസം കുറവിലങ്ങാട് മഠത്തില്‍ താമസിച്ചിട്ടില്ലെന്നും ബിഷപ്പ് ആവര്‍ത്തിച്ചു. മെയ് അഞ്ചിനു മഠത്തില്‍ പോയെങ്കിലും അവിടെ താമസിച്ചില്ലെന്നാണ് ബിഷപ്പ് അവകാശപ്പെടുന്നത്.