''ഇങ്ങനെ അരുംകൊല ചെയ്യുമെന്ന് ഒരിക്കലും കരുതിയില്ല. ഗര്‍ഭം അലസിപ്പിക്കാന്‍ അച്ഛന്‍ നിര്‍ബന്ധിച്ചിരുന്നു. പ്രണയയുടെ കുഞ്ഞിനെ ഞാന്‍ നശിപ്പിക്കില്ല. ഈ കുട്ടിയാണ് എന്റെ ഭാവി. എന്നെ പൊന്നു പോലെ അദ്ദേഹം നോക്കിയിരുന്നു, ഗര്‍ഭിണിയായശേഷം നന്നായി പരിചരിച്ചിരുന്നു'' .

ജാതിയില്ലാതെ മക്കളെ വളര്‍ത്തണമെന്നായിരുന്നു ഞങ്ങളുടെ സ്വപ്നം. പ്രണയ് നല്‍കിയ സമ്മാനമാണ് എന്റെയുള്ളില്‍ വളരുന്നത്. ജാതിക്കെതിരെ പോരാടാന്‍ തന്റെ കുഞ്ഞിനെ പഠിപ്പിക്കും എന്ന് കണ്ണീര്‍ തോരാതെ അമൃത പറയുന്നു. പരസ്പരം ആഴത്തിലുള്ള സ്‌നേഹം അല്ലാതെ മറ്റൊന്നും ഞങ്ങള്‍ അറിഞ്ഞിട്ടില്ലെന്നും അമൃത പറഞ്ഞു. പ്രണയ്യുടെ വീട്ടിലാണ് അമൃത ഇപ്പോള്‍ താമസിക്കുന്നത്. ദുരഭിമാനത്തിന്റെ പേരില്‍ തന്റെ ഭര്‍ത്താവിനെ കൊലപ്പെടുത്തിയ സ്വന്തം പിതാവിനും കുടുംബത്തിനും മുന്നില്‍ അമൃതയുടെ കണ്ണീര്‍ തോരാതെയുള്ള ഉറച്ച വാക്കുകള്‍ സജീവ ചര്‍ച്ചയാകുന്നു.

മകള്‍ താഴ്ന്ന ജാതിയില്‍പ്പെട്ട ഒരാളെ വിവാഹം കഴിച്ചതിനാണ് ക്വട്ടേഷന്‍ നല്‍കി അമൃതയുടെ പിതാവ് പ്രണയ്‌യെ കൊലപ്പെടുത്തിയത്. ഗര്‍ഭിണിയായ അമൃതയ്‌ക്കൊപ്പം ആശുപത്രിയില്‍ പോയി മടങ്ങുമ്പോഴാണ് പിന്നിലൂടെ എത്തിയ അക്രമി പ്രണയ്‌യെ വെട്ടിവീഴ്ത്തിയത്.