വീണാ ജോര്ജ്ജ് എം.എല്.എയുടെ പേഴ്സണല് സ്റ്റാഫ് എന്ന് പരിചയപ്പെടുത്തി പണം തട്ടി : ആറന്മുള സ്വദേശിക്കെതിരെ പരാതി
വീണാ ജോര്ജ്ജ് എം.എല്.എയുടെ പേഴ്സണല് സ്റ്റാഫ് എന്ന് പരിചയപ്പെടുത്തി പതിനഞ്ചോളം പേരില് നിന്നും പണം തട്ടിയ യുവാവിനെതിരെ പരാതി. പത്തനംതിട്ട മാലക്കര ആറാട്ടുപുഴ ബിജോ ഭവനില് ബിജോ മാത്യുവിനെതിരെയാണ് നിരവധി പേര് പരാതി നല്കിയത്. അടൂര്, തിരുവല്ല , ചെങ്ങന്നൂര് എന്നിവിടങ്ങളില് നിന്നുള്ളവരാണ് പരാതിക്കാര്.
ആറന്മുള എം.എല്.എയുടെ പേഴ്സണല് സ്റ്റാഫ് ആണ് എന്ന് പറഞ്ഞാണ് തട്ടിപ്പ് നടത്തിയതെന്നും പരാതിയില് പറയുന്നു. വിവരങ്ങള് ചൂണ്ടിക്കാട്ടി തട്ടിപ്പിനിരയായവരില് ഒരാള് അടൂര് പൊലീസ് സ്റ്റേഷനിലാണ് പരാതി നല്കിയത്. ഇതോടെയാണ് വിവരം പുറത്തെത്തിയത്. ഇയാള്ക്കെതിരെ പ്രദേശത്തെ വിവിധ പൊലീസ് സ്റ്റേഷനിലും പരാതി നല്കിയതായാണ് റിപ്പോര്ട്ട്.
കോന്നി സ്വദേശിയുടെ വിദേശത്തുള്ള കമ്പനിയില് ജോലി വാങ്ങി നല്കാമെന്ന് പറഞ്ഞായിരുന്നു തുക തട്ടിയെടുത്തത്. തുടര്ന്ന് ഇവര്ക്ക് വിസയും എന്ട്രി പെര്മിറ്റും ടിക്കറ്റും നല്കിയെങ്കിലും ഇതെല്ലാം വ്യാജമായിരുന്നു. ഇവരുടെ വീട്ടില് അന്വേഷിച്ചപ്പോഴാണ് ഒളിവിലാണെന്ന് അറിയാന് കഴിഞ്ഞതെന്നും പരാതിയില് പറയുന്നു.
https://www.facebook.com/Malayalivartha
