കണ്ണൂര് വിമാനത്താവളത്തില് ഇലക്ട്രിക് വാഹനങ്ങള് ഘട്ടംഘട്ടമായി നടപ്പിലാക്കാന് ധാരണയായി
കണ്ണൂര് വിമാനത്താവളത്തിനകത്ത് ഇലക്ട്രിക് വാഹനങ്ങള് മാത്രമാക്കാനുള്ള ശ്രമം നടപ്പാകില്ല. വിമാനത്താവളത്തില്നിന്ന് സര്വിസ് നടത്തുന്ന വിമാനക്കമ്പനികള് ഇതിനകം എല്.എന്.ജി വാഹനങ്ങള്ക്ക് ഓര്ഡര് നല്കി. റണ്വേയില് ഉള്പ്പെടെ വിമാനത്താവളത്തിനകത്ത് ഇലക്ട്രിക് വാഹനങ്ങള് മാത്രം ഉപയോഗിക്കുന്ന ആദ്യ എയര്പോര്ട്ട് ആക്കി കണ്ണൂരിനെ മാറ്റാനുള്ള നിര്ദേശം ഗതാഗത മന്ത്രി എ.കെ. ശശീന്ദ്രന്റെ അധ്യക്ഷതയില് ബുധനാഴ്ച ചേര്ന്ന യോഗത്തില് സര്ക്കാര് അവതരിപ്പിച്ചിരുന്നു
എന്നാല്, യോഗത്തില് പങ്കെടുത്ത കമ്പനി പ്രതിനിധികള് ഇതിനകം എല്.എന്.ജി വാഹനങ്ങള്ക്ക് ഓര്ഡര് നല്കിയ കാര്യം അറിയിച്ചു. ഘട്ടംഘട്ടമായി വിമാനത്താവളത്തില് ഇലക്ട്രിക് വാഹനങ്ങള് മാത്രമാക്കി മാറ്റാന് യോഗത്തില് ധാരണയായി. കേരള ഓട്ടോമൊബൈല്സ് ലിമിറ്റഡ് ഇലക്ട്രിക്കല് ഓട്ടോകള് ഇറക്കുമെങ്കില് അവ ഉപയോഗിച്ച് വിമാനത്താവളത്തില്നിന്ന് പുറത്തേക്ക് സര്വിസ് നടത്താന് അനുമതി നല്കാനും യോഗം തീരുമാനിച്ചു. ഗതാഗത സെക്രട്ടറി കെ.ആര്. ജ്യോതിലാല്, കെ.എസ്.ആര്.ടി.സി എം.ഡി ടോമിന് ജെ. തച്ചങ്കരി, ട്രാന്സ്പോര്ട് കമീഷണര് കെ. പത്മകുമാര്, വിമാനത്താവള അധികൃതര്, വിമാനക്കമ്പനി പ്രതിനിധികള് തുടങ്ങിയവര് പങ്കെടുത്തു
"
https://www.facebook.com/Malayalivartha
