സംസ്ഥാനത്ത് ലോക ലഹരിവിരുദ്ധ ദിനമായ നാളെ (ജൂണ്‍ 26) ഡ്രൈ ഡേ പ്രഖ്യാപിച്ചു. മദ്യഷോപ്പുകള്‍ നാളെ അടച്ചിടും. ബിവറേജസ് കോര്‍പ്പറേഷന്‍ ഔട്ട്‌ലെറ്റുകളും ബാറുകളും ഉള്‍പ്പെടെ പ്രവര്‍ത്തിക്കില്ല.മയക്കുമരുന്ന്, മദ്യം എന്നിവയുടെ ഉപയോഗത്തിനും അനധികൃത കടത്തിനും എതിരായ സന്ദേശം പ്രചരിപ്പിക്കുന്നതിനായാണ് ലോക ലഹരിവിരുദ്ധ ദിനം ആചരിക്കുന്നത്.

ജൂണ്‍ 26 ലോകലഹരി വിരുദ്ധ ദിനമായി ആചരിക്കാന്‍ 1987 ഡിസംബറില്‍ ചേര്‍ന്ന ഐക്യരാഷ്ട്ര സഭയുടെ ജനറല്‍ അസംബ്ലിയാന്‍് തീരുമാനിച്ചത്. കേരളത്തില്‍ എക്‌സൈസ് വകുപ്പിന്റെയും സാമൂഹ്യ നീതി വകുപ്പിന്റെയും നേതൃത്വത്തില്‍ ലഹരിവിരുദ്ധ ബോധ വത്കരണ പരിപാടികള്‍ സംഘടിപ്പിക്കും. വിദ്യാഭ്യാസ സ്ഥാപനങ്ങളുടെയും സന്നദ്ധ സംഘടനകളുടെയും നേതൃത്വത്തിലും ബോധവത്കരണ പരിപാടികള്‍ നടക്കും.