ശരണംവിളി ഏഴാം കടലിന് അക്കരെ കടന്ന് ആഫ്രിക്കയിലേക്കും... നാമജപ പ്രതിഷേധവുമായി കോംഗോയിലെ മലയാളി ഭക്തര്
ശബരിമല വിഷയത്തില് ശരണം വിളി കടല് കടന്ന് വിദേശ രാജ്യങ്ങളില് വളരെ നേരത്തെ എത്തിയിരുന്നു. എന്നാല് ആ പ്രതിഷേധം ആഫ്രിക്കന് രാജ്യത്തിലും എത്തിയിരിക്കുകയാണ്. യുവതി പ്രവേശനവുമായി ബന്ധപ്പെട്ട് ആഫ്രിക്കന് രാജ്യമായ കോംഗോയിലാണ് മലയാളി ഭക്തര് പ്രതിഷേധിച്ചത്. കിന്ഷാസ അയ്യപ്പ സേവാ സംഗം ആണ് പ്രതിഷേധ കൂട്ടായ്മ സംഘടിപ്പിച്ചത്. ശരണം വിളികളാല് മുഖരിതമായ അന്തരീക്ഷത്തില് കിന്ഷാസ അയ്യപ്പ സേവാ സംഗം പ്രവര്ത്തകര് പ്രതിഷേധം അറിയിച്ചു.
കൂട്ടായ്മയില് പന്തളം രാജ കുടുബത്തിലെ പ്രതിനിധി രാജരാമദാസ് പങ്കെടുത്തു. 150 മലയാളികള് ഒപ്പിട്ട പ്രതിഷേധ കുറിപ്പ് കോംഗോ ഇന്ത്യന് എംബസിക്കും ,വിദേശ കാര്യ വകുപ്പിനും നല്കാന് തീരുമാനിച്ചു. കൂടാതെ സുപ്രീംകോടതിയില് റിവ്യൂ ഹര്ജി നല്കണമെന്നും ശബരിമലയുടെ പവിത്രത കളങ്കപ്പെടുത്തുന്ന ഒരു പ്രവര്ത്തിയും അനുവദിക്കരുതെന്ന് ആവശ്യപ്പെട്ട അപേക്ഷ കേരള മുഖ്യമന്ത്രിക്കു നല്കാനും തീരുമാനിച്ചു. കോംഗോയുടെ തലസ്ഥാനമായ കിന്ഷാസയില് ഉള്ള കോംഗോ ഹിന്ദു മണ്ഡലില് ആണ് പ്രതിഷേധം നടന്നത്.
https://www.facebook.com/Malayalivartha
