അറ്റകുറ്റപ്പണിക്കിടെ കെഎസ്ഇബി കരാര്‍ ജീവനക്കാരന്‍ ഷോക്കേറ്റ് മരിച്ചു. പൂവംതുരുത്ത് ശ്രീകൃഷ്ണ സ്വാമി ക്ഷേത്രത്തിന് സമീപം ഉച്ചയ്ക്ക് 12 ഓടെയായിരുന്നു സംഭവം. പൂവംതുരുത്ത് പടിഞ്ഞാറെ പുളിമൂട്ടില്‍ അനി (45) ആണ് മരിച്ചത്.പ്രദേശത്തെ വൈദ്യുതി പോസ്റ്റിലെ സ്ട്രീറ്റ് ലൈറ്റ് മാറുന്നതിനിടെയാണ് ഇയാള്‍ക്ക് വൈദ്യുതാഘാതമേറ്റത്.

വൈദ്യുതി തൂണില്‍ നിന്നും തെറിച്ചു വീണ ജീവനക്കാരനെ കോട്ടയം ജില്ലാ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം ജില്ലാ ആശുപത്രിയില്‍ സൂക്ഷിച്ചിരിക്കുകയാണ്.