സംസ്ഥാനത്ത് സ്വർണവില ഇന്നും കുത്തനെ താഴോട്ട്. പവന് 2,240ഉം ഗ്രാമിന് 280ഉം രൂപയാണ് കുറഞ്ഞത്. ഇതോടെ പവന് 1,11,480 രൂപയും ഗ്രാമിന് 13935 രൂപയുമായി. ​വെള്ളിവില അഞ്ചുരൂപ കുറഞ്ഞ് ഗ്രാമിന് 245 രൂപയായി. ഇറാന് നേ​രെ യു.എസ് ആക്രമണം പുനരാംരംഭിച്ചതും ഇറാൻ തിരിച്ചടിയുമാണ് അന്താരാഷ്ട്ര വിപണിയിൽ സ്വർണവിലയെ കാര്യമായി സ്വാധീനിക്കുന്നത്.

അ​ത്യാ​വ​ശ്യ​മ​ല്ലാ​ത്ത വി​ദേ​ശ​യാ​ത്ര​യും സ്വ​ർ​ണം വാ​ങ്ങ​ലും ഒ​ഴി​വാ​ക്കാൻ ഇന്നലെ പ്ര​ധാ​ന​മ​ന്ത്രി നരേന്ദ്രമോദി ആ​ഹ്വാ​നം ചെ​യ്തതിന് പിന്നാലെ ദേശീയവിപണിയിലും സ്വർണവില ഇടിഞ്ഞിരുന്നു. അന്താരാഷ്ട്ര വിപണിയിൽ സ്​പോട്ട് ഗോൾഡ് ട്രോയ് ഔൺസിന് 46.14 ഡോളർ ഇടിഞ്ഞ് 4,303.31 ഡോളറായി.

ഇന്നലെ രാവിലെ ഗ്രാമിന് 15 രൂപ കൂടി 14,385 രൂപയും പവന് 120 രൂപ കൂടി 1,15,080 രൂപയുമായിരുന്നു വില. എന്നാൽ, ഉച്ചയോടെ വൻ കുറവ് രേഖപ്പെടുത്തി. ഗ്രാമിന് 170 രൂപയും പവന് 1,360 രൂപയുമാണ് ഇടിഞ്ഞത്. പവൻവില 1,13,720 രൂപയിലാണ് ഇന്നലെ വിപണി​ അവസാനിച്ചത്.