സ്വകാര്യ ബസും ചരക്ക് ലോറിയും കൂട്ടിയിടിച്ച് നിരവധി പേർക്ക് പരിക്ക്. കോഴിക്കോട് കുറ്റ്യാടി നരിക്കൂട്ടുംചാലിലാണ് അപകടം സംഭവിച്ചത്. പരിക്കേറ്റവരെ കുറ്റ്യാടി ഗവൺമെന്റ് താലൂക്ക് ആശുപത്രിയിലേക്ക് മാറ്റുകയും ചെയ്തു. ലോറി ഡ്രൈവർക്ക് സാരമായി പരിക്കേറ്റിട്ടുണ്ട്. ബസും ലോറിയും നേർക്കുനേർ കൂട്ടിയിടിച്ചാണ് അപകടം സംഭവിച്ചത്.

ഇന്ന് ഉച്ചയോടെയായിരുന്നു സംഭവം നടന്നത്. പരിക്കേറ്റ ബസ് യാത്രക്കാരെയും ലോറിയിൽ കുടുങ്ങിപ്പോയ ഡ്രൈവറെയും നാട്ടുകാരും അഗ്നിരക്ഷാസേനയും ചേർന്നാണ് രക്ഷാപ്രവർത്തനം നടത്തിയാണ് പുറത്തെടുത്തത്. ലോറി ഡ്രൈവർ സീറ്റിനും സ്റ്റിയറിംഗിനും ഇടയിൽ കുടുങ്ങിപ്പോയ നിലയിലായിരുന്നു കാണപ്പെട്ടത്. അപകടത്തെ തുടർന്ന് ഈ റൂട്ടിൽ ഏറെ നേരെ ഗതാഗതം തടസ്സം നേരിട്ടു. പോലീസ് സ്ഥലത്തെത്തി മേൽനടപടികൾ സ്വീകരിച്ചു.