കേരളത്തിലെ ആദ്യ മഹിളാമാളുമായി കുടുംബശ്രീ , ഉദ്ഘാടനം നാളെ
വനിതകള് മാത്രം നിയന്ത്രിക്കുന്ന സംസ്ഥാനത്തെ ആദ്യ മാളുമായി കുടുംബശ്രീ. മുഖ്യമന്ത്രി പിണറായി വിജയന് മാള് നാളെ ഉദ്ഘാടനം ചെയ്യും. 200 വനിതകള്ക്ക് നേരിട്ടും 500 പേര്ക്ക് അല്ലാതെയും ജോലി ലഭിക്കുമെന്നാണ് പ്രതീക്ഷ.
പെണ്കരുത്തിന്റെ കയ്യൊപ്പ് എന്നതാണ് മഹിളാമാളിന്റെ മുദ്രാവാക്യം. മാളില് ഭരണതലം മുതല് സെക്യൂരിറ്റി വരെ വനിതകളായിരിക്കും.
വനിതകളുടെ മേല്നോട്ടത്തില് വനിതകള് മാത്രം ജോലി ചെയ്യുന്ന മഹിളാമാളിലൂടെ സ്ത്രീശാക്തീകരണ രംഗത്ത് പുതിയ ചരിത്രമെഴുതുകയാണ് കുടുംബശ്രീ.
54 സെന്റില് അഞ്ച് നിലകളിലായി 80 കടകളുണ്ട്. ജില്ലാ കുടുംബശ്രീ മിഷന്റെ സഹകരണത്തോടെ കോഴിക്കോട് കോര്പ്പറേഷന് സിഡിഎസിനാണ് മാളിന്റെ നിയന്ത്രണചുമതല.
ഫുഡ് കോര്ട്ടും ഇലക്ട്രോണിക് പ്ലേ സോണും മാളിനെ ആകര്ഷകമാക്കും. ഷോപ്പിങ്ങിനൊപ്പം വിശ്രമത്തിനും വിനോദത്തിനും അവസരമുണ്ടാകുമെന്നര്ഥം.
ഇതിനു പുറമേ സൂപ്പര്മാര്ക്കറ്റ്, വനിതാസഹകരണ ബാങ്ക്, മെഡിക്കല് ലാബ്, ടെക്സ്റ്റൈല്സ് തുടങ്ങി സാധാരണ മാളുകളില് ലഭിക്കുന്ന എല്ലാ സൗകര്യങ്ങളും ഒരുക്കിയാണ് മഹിളാമാള് ഉദ്ഘാടനത്തിനായി അണിഞ്ഞൊരുങ്ങിയത്.
https://www.facebook.com/Malayalivartha
