ബന്തടുക്കയിൽ രണ്ടുവയസുകാരന് കുളിക്കാൻ തിളപ്പിച്ച വെള്ളത്തിൽ വീണ് ദാരുണാന്ത്യം; ഇരട്ട സഹോദരൻ രക്ഷപ്പെട്ടത് തലനാരിഴയ്ക്ക്
കാസർഗോഡ് രണ്ടുവയസുകാരന് തിളച്ച വെള്ളത്തിൽ വീണ് ദാരുണാന്ത്യം. കുളിപ്പിക്കാന് തയാറാക്കിയ വെള്ളത്തില് വീണ് ഗുരുതരമായി പരിക്കേറ്റ കുഞ്ഞിനെ ആശുപത്രിയിലെത്തിക്കാനാൻ ശ്രമിച്ചുവെങ്കിലും ജീവൻ രക്ഷിക്കാനായില്ല. ബന്തടുക്ക ചാമക്കൊച്ചിയിലെ ജോര്ജ്- നീതു ദമ്പതികളുടെ മകന് സിറിയക് (രണ്ട്) ആണ് മരിച്ചത്.
വ്യാഴാഴ്ച വൈകുന്നേരം അഞ്ചരയോടെ വീട്ടിലായിരുന്നു ദാരുണ സംഭവം അരങ്ങേറിയത്. തിളച്ച വെള്ളം കുളിമുറിയില് വെച്ച് തണുത്ത വെള്ളമെടുക്കാന് നീതു പോയതായിരുന്നു. ഇതിനിടെയാണ് കുട്ടി അബദ്ധത്തില് തിളച്ചവെള്ളത്തിലേയ്ക്ക് വീണത്.
അരക്കു താഴെ ഗുരുതരമായി പൊള്ളലേറ്റ കുട്ടിയെ ആദ്യം ആയുര്വേദ ചികിത്സയ്ക്ക് വിധേയമാക്കിയെങ്കിലും നില ഗുരുതുരമായതിനാല് മംഗളൂരുവിലേക്ക് കൊണ്ടു പോകുകയും മാര്ഗമധ്യേ മരണം സംഭവിക്കുകയായിരുന്നു.
ദമ്പതികളുടെ ഇരട്ടകുട്ടികളിലൊരാണ് മരിച്ച സിറിയക്. സിറിയക്കിന്റെ ഇരട്ടസഹോദരൻ അല്ഫോന്സ് ജോര്ജ് അപകടത്തില്പെടാതെ രക്ഷപ്പെട്ടു. മറ്റു മക്കള്: അന്നേരി ജോര്ജ് (ആറ്), ഫ്രാന്സിസ് ജോര്ജ് (നാല്).
https://www.facebook.com/Malayalivartha
