കിണറിന്റെ പാലത്തില് തൂങ്ങി മരിക്കാന് ശ്രമിച്ചു; കൊല്ലം സ്വദേശിയ്ക്ക് കയർ പൊട്ടി കിണറ്റില് വീണ് ദാരുണാന്ത്യം
26 NOVEMBER 2018 05:40 PM IST
മലയാളി വാര്ത്ത
കൊല്ലത്ത് കിണറിന്റെ പാലത്തില് തൂങ്ങി മരിക്കാന് ശ്രമിക്കുന്നതിനിടെ യുവാവ് കയറ് പൊട്ടി കിണറ്റില് വീണു മരിച്ചു. കൊല്ലം ആനക്കോട്ടൂര് അഭിലാഷ് ഭവനില് ചന്ദ്രശേഖരന് പിള്ളയുടെയും ഷൈലജയുടെയും മകന് സി.അഭിലാഷ് (35) ആണ് മരിച്ചത്.
ഞായറാഴ്ച പുലര്ച്ചെയായിരുന്നു സംഭവം. അഭിലാഷിനെ വീട്ടില് കാണാതായതോടെ നടത്തിയ തെരച്ചിലിലാണ് കിണറിന്റെ പാലത്തില് കയര് പൊട്ടിയ നിലയില് കണ്ടെത്തിയത്. തുടര്ന്ന് നടത്തിയ തിരച്ചിലിലാണ് അഭിലാഷിനെ കിണറില് നിന്ന് കണ്ടെത്തുകയായിരുന്നു.
ചെരിപ്പും കിണറിന്റെ സമീപത്തു നിന്ന് കണ്ടതോടെ കിണറ്റില് നടത്തിയ പരിശോധനയിലാണ് മൃതദേഹം കണ്ടെത്തിയത്. മൃതദേഹത്തില് കഴുത്തില് കെട്ടിയ നിലയില് കയറിന്റെ ഭാഗവുമുണ്ടായിരുന്നു. ടിവി മെക്കാനിക്കായിരുന്ന അഭിലാഷിന്റെ സംസ്കാരം നടത്തി. അതേസമയം ആത്മഹത്യയുടെ കാരണം വ്യക്തമല്ല. രശ്മിയാണ് ഭാര്യ.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
