ദര്ശനത്തിനെത്തിയ ബിജെപി നേതാവ് പോലീസ് കസ്റ്റഡിയിൽ; അപ്രതീക്ഷിത നടപടി നേതാവിനെതിരെ മൂന്ന് ക്രിമിനല് കേസുകളുണ്ടെന്ന് ചൂണ്ടിക്കാട്ടി
ബിജെപി സംസ്ഥാന സമിതി അംഗം എൻബി രാജഗോപാലിനെ നിലയ്ക്കലിൽ നിന്ന് പൊലീസ് കസ്റ്റഡിയിലെടുത്തു. പൊലീസ് നല്കിയ നോട്ടീസ് ഒപ്പിട്ട് നല്കാത്തതിനാലാണ് രാജഗോപാലിനെ പൊലീസ് കസ്റ്റഡിയിലെടുത്തത്. അതേസമയം ദര്ശനത്തിയാണ് താൻ വന്നതെന്നാണ് രാജഗോപാൽ പറഞ്ഞത്.
നിലയ്ക്കലില് പ്രതിഷേധക്കാര് നിരോധനാജ്ഞ ലംഘിക്കുമെന്ന് മുന്നില്ക്കണ്ട് വലിയ രീതിയിലുള്ള തയ്യാറെടുപ്പ് പൊലീസ് ഒരുക്കിയിരുന്നു. അതിനിടെയാണ് ബിജെപി അംഗം എൻബി രാജഗോപാല് നിലയ്ക്കലില് എത്തിയത്. ഇയാള്ക്കെതിരെ മൂന്ന് ക്രിമിനല് കേസുകളുണ്ടെന്ന് പൊലീസ് പറയുന്നു.
തുടർന്ന് കൂടുതല് പരിശോധനയ്ക്ക് ശേഷമല്ലാതെ സന്നിധാനത്തേക്ക് കടത്തിവിടാന് കഴിയില്ലെന്ന നിലപാടിലേയ്ക്ക് പൊലീസ് എത്തുകയായിരുന്നു. ക്രമസമാധാനം തകര്ക്കില്ല എന്ന നിര്ദ്ദേശമടങ്ങിയ നോട്ടീസില് ഇയാള് ഒപ്പിട്ടില്ല എന്നും പൊലീസ് പറയുന്നു. രാജഗോപാലിനെ എരുമേലി പൊലീസ് സ്റ്റേഷനിലേക്ക് മാറ്റി.
https://www.facebook.com/Malayalivartha
