ഭാര്യയുടെ കണ്‍മുന്നില്‍ വെച്ച് ട്രെയിനില്‍ നിന്ന് തുരങ്കത്തിലേക്ക് തെറിച്ച് വീണ ഭര്‍ത്താവ് മരിച്ചു. മുംബൈയില്‍ വെബ് ഡിസൈനറായ തൃശൂര്‍ തൂവക്കാവ് സ്വദേശി മുഹമ്മദലി (25)യാണ് മരിച്ചത്. തിങ്കളാഴ്ച രാത്രി 11.30 മണിയോടെ കളനാട് റെയില്‍വേ തുരങ്കത്തിലായിരുന്നു അപകടം. ഭാര്യ മുംബൈ സ്വദേശിനി താഹിറക്കൊപ്പം നേത്രാവദി എക്‌സ്പ്രസില്‍ തൃശൂരിലെ വീട്ടില്‍ നിന്നും മുംബൈയിലേക്ക് പോവുകയായിരുന്നു മുഹമ്മ് അലി.

താഹിറ ഒപ്പം ഉണ്ടായിരുന്നെങ്കിലും മംഗലാപുരത്ത് എത്തിയപ്പോഴാണ് മുഹമ്മദ് അലിയെ കാണാതായ വിവരം അറിഞ്ഞത്. തുടര്‍ന്ന് നടത്തിയ അന്വേഷണത്തില്‍ ട്രെയിനില്‍ നിന്നും ആരോ വീണെന്ന് അറിഞ്ഞു. അന്വേഷിച്ച് ചെന്നപ്പോഴാണ് മരിച്ചെന്ന് വ്യക്തമായത്. തുടര്‍ന്ന് കാസര്‍കോട് ജനറല്‍ ആശുപത്രിയിലെത്തി മൃതദേഹം തിരിച്ചറിയുകയുമായിരുന്നു. കഴിഞ്ഞ നവംബറിലാണ് ഇരുവരും വിവാഹിതരായത്. തൂവക്കാവ് സ്വദേശി അബ്ദുല്‍ ഖാദറിന്റെ മകനാണ് മുഹമ്മദലി.