രാഹുല് ഗാന്ധി 'കശ്മീരി പണ്ഡിറ്റ്'; രാഹുല് ഗാന്ധി കശ്മീരി ബ്രാഹ്മണനാണെന്ന് പൂജാരിയുടെ വെളിപ്പെടുത്തല്
കോണ്ഗ്രസ് അധ്യക്ഷന് രാഹുല് ഗാന്ധി കശ്മീരി ബ്രാഹ്മണനാണെന്ന് പൂജാരിയുടെ വെളിപ്പെടുത്തല്. രാജസ്ഥാനിലെ ക്ഷേത്ര പൂജാരിയായ ദിനനാഥ് കൗളാണ് രാഹുൽ ഗാന്ധിയുടെയും കുടുംബത്തിന്റെയും ഗോത്രത്തെ സംബന്ധിച്ച് വെളിപ്പെടുത്തൽ നടത്തിയിരിക്കുന്നത്. അടുത്തിടെ രാഹുൽ ഗാന്ധിയുടെ ചില ക്ഷേത്രദർശനങ്ങൾ സംബന്ധിച്ച് ബി.ജെ.പി ആരോപണങ്ങൾ ഉന്നയിച്ച പശ്ചാത്തലത്തിലായിരുന്നു പൂജാരിയുടെ വെളിപ്പെടുത്തൽ.
രാജസ്ഥാനിലെ പുഷ്കര് ക്ഷേത്രത്തിലെത്തിയ രാഹുല് ഗാന്ധി പൂജാകര്മ്മങ്ങള് നടത്തിയത് ദീനനാഥ് കൗളിന്റെ കാര്മ്മികത്വത്തിലായിരുന്നു. പൂജക്കായി എത്തിയപ്പോള് ഗോത്രം ഏതെന്ന് ചോദിച്ചപ്പോഴാണ് രാഹുല് ഇക്കാര്യം വെളിപ്പെടുത്തിയതെന്ന് കൗള് വ്യക്തമാക്കി.
രാഹുല് ഗാന്ധിയുടെ ഗോത്രം ദത്താത്രേയയാണ്. അദ്ദേഹം ഒരു കശ്മീരി ബ്രാഹ്മണനാണ്. മോത്തിലാല് നെഹ്രു, ജവഹര്ലാല് നെഹ്രു, ഇന്ദിരാഗാന്ധി, സോണിയ ഗാന്ധി തുടങ്ങിയവരെല്ലാം ഇവിടെ പൂജകള് നടത്തിയിട്ടുണ്ട്. അതിന്റെ തെളിവുകളെല്ലാം ഇവിടെ സൂക്ഷിച്ചിട്ടുമുണ്ട് എന്ന് ദീനനാഥ് കൗള് പറഞ്ഞു.
ദത്താത്രേയ ഗോത്രവര്ഗ്ഗത്തില് പെട്ടവര് കൗള് വിഭാഗത്തില് പെട്ടവരാണെന്നും അവര് കശ്മീരി ബ്രാഹ്മണരാണെന്നുംകൗള് വ്യക്തമാക്കി. തിരഞ്ഞെടുപ്പ് നടക്കാനിരിക്കുന്ന സംസ്ഥാനങ്ങളില് രാഹുല് ഗാന്ധി അജ്മീര് ദര്ഗ്ഗ ഉള്പ്പെടെ വിവിധ ക്ഷേത്രങ്ങളും സന്ദര്ശിച്ചിരുന്നു. എന്നാല് രാഹുല് ഗാന്ധിയുടെ ക്ഷേത്ര ദര്ശനം ജനങ്ങളെ കബളിപ്പിക്കാനാണെന്നാണ് ബി.ജെ.പിയുടെ ആരോപണം. ഈ സാഹചര്യത്തിലാണ് പൂജാരിയുടെ വെളിപ്പെടുത്തല്. കഴിഞ്ഞവര്ഷം നടന്ന ഗുജറാത്ത് നിയമസഭാ തിരഞ്ഞെടുപ്പ് വേളയിലും രാഹുല് പ്രചാരണത്തിനിടെ ക്ഷേത്ര ദര്ശനം നടത്തിയത് വാര്ത്തയായിരുന്നു.
https://www.facebook.com/Malayalivartha
