മുഖ്യമന്ത്രി പിണറായി വിജയന് വിഡ്ഢികളുടെ സ്വര്ഗ്ഗത്തിൽ; ശബരിമല വിഷയത്തില് നടത്തിയ എല്ലാ സമരങ്ങളും പൂങ്കാവനത്തിന് പുറത്തായിരുന്നു ഇപ്പോഴും കര്മ്മ സമിതിയുടെ സമരത്തിന് പൂര്ണ്ണ പിന്തുണ നല്കുന്നു ;പിഎസ് ശ്രീധരന് പിള്ള
ശബരിമല വിഷയത്തില് ബിജെപി സമരം ശക്തമാക്കുകയാണ് ചെയ്തതെന്ന് ബിജെപി സംസ്ഥാന പ്രസിഡന്റ് അഡ്വ. പിഎസ് ശ്രീധരന് പിള്ള. ബിജെപി സമരം നിര്ത്തിയെന്ന് പറയുന്ന മുഖ്യമന്ത്രി പിണറായി വിജയന് വിഡ്ഢികളുടെ സ്വര്ഗ്ഗത്തിലാണെന്നുംഅദ്ദേഹം പറഞ്ഞു.
ശബരിമല വിഷയത്തില് താന് നടത്തിയ എല്ലാ സമരങ്ങളും പൂങ്കാവനത്തിന് പുറത്തായിരുന്നു ഇപ്പോഴും കര്മ്മ സമിതിയുടെ സമരത്തിന് പൂര്ണ്ണ പിന്തുണ നല്കുന്നു. സമരം സെക്രട്ടറിയേറ്റിനു മുന്നിലേക്ക് വ്യാപിപ്പിക്കുവാനാണ് പാര്ട്ടി തീരുമാനമെന്നും ശ്രീധരന് പിള്ള പറഞ്ഞു.
ശബരിമല വിഷയത്തിൽ ബി.ജെ.പി സമരത്തില് നിന്ന് പിന്മാറുന്നു എന്ന ആരോപണത്തില് അടിസ്ഥാനമില്ലെന്ന് ശ്രീധരൻ പിള്ള കഴിഞ്ഞ ദിവസം വ്യക്തമാക്കിയിരുന്നു. ശബരിമല വിഷയത്തിൽ ബിജെപി നടത്തുന്ന സമരങ്ങൾക്ക് സ്വീകര്യതയുണ്ടെന്നതിന് തെളിവാണ് പി.സി.ജോർജ് അടക്കമുള്ളവരുടെ കടന്നുവരവെന്ന് അദ്ദേഹം പറഞ്ഞിരുന്നു. ശബരിമലയെ തകർക്കാനുള്ള ഗൂഢാലോചനയുടെ ഭാഗമാണ് കെ.സുരേന്ദ്രനെ പോലെയുള്ളവരെ കള്ളക്കേസിൽ കുടുക്കുന്നത്. ശബരിമലയില് കര്മസമിതിയാണ് സമരം നടത്തുന്നത്. ആ സമരപരിപാടിയ്ക്ക് കലവറയില്ലാത്ത പിന്തുണയാണ് ബി.ജെ.പി നല്കുന്നത്. തങ്ങളുടെ നിലപാട് അത് തന്നെയാണ്. ശബരിമല പൂങ്കാവനത്തിനകത്ത് ഒരു സമരവും ബി.ജെ.പി നടത്തിയിട്ടില്ല. എല്ലാം പുറത്താണ് നടത്തിയതെന്നും അദ്ദേഹം കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു.
https://www.facebook.com/Malayalivartha
