ബിജെപിയുടെ ആത്മാഭിമാനത്തെ ചോദ്യം ചെയ്ത് വി.മുരളീധരന്; ആത്മാഭിമാനം ഉള്ള ബിജെപിക്കാര് ഒത്തുതീർപ്പിന് തയ്യാറാവില്ലെന്ന് വിമർശനം
ശബരിമല സമരത്തില് കടുത്ത വിമര്ശനവുമായി വി.മുരളീധരന് രംഗത്ത്. ഒത്തു തീര്പ്പിന് ആത്മാഭിമാനം ഉള്ള ബിജെപിക്കാര് തയ്യാറാകില്ല. സമരം തീര്ക്കാന് സംസ്ഥാന അധ്യക്ഷന് തയ്യാറാകില്ലെന്നാണ് കരുതുന്നത് എന്ന് അദ്ദേഹം വ്യക്തമാക്കി. ബിജെപിയുടെ ശബരിമല സമരം പരാജയപ്പെട്ട സാഹചര്യത്തിലാണ് പാർട്ടിക്കുള്ളിലെ തർക്കം പരസ്യമായി രംഗത്തെത്തിയത്.
ആത്മാഭിമാനമുള്ള ഒരു ബിജെപിക്കാരനും ശബരിമല വിഷയത്തിൽ ഒത്തുത്തീർപ്പ് അംഗീകരിക്കില്ലെന്നാണ് വി മുരളീധരൻ എം പി പറഞ്ഞത്. ശ്രീധരൻപിള്ളയുടെ നിലപാടിൽ ആർഎസ്എസിനും അതൃപ്തിയാണുള്ളത്. ശബരിമല വിഷയത്തിൽ പി എസ് ശ്രീധരൻപിള്ളയുടെ നിലപാട് തിരിച്ചടിയായതോടെയാണ് പരസ്യവിമർശനമുയർന്നത്.
ശബരിമല വിഷയത്തിൽ ഇടക്കിടെ നിലപാട് മാറ്റിയ പി എസ് ശ്രീധരൻപിള്ള തങ്ങളുടെ ലക്ഷ്യം സംസ്ഥാന സർക്കാർ ആണെന്ന് തുറന്ന് പറഞ്ഞിരുന്നു. ശബരിമലയിൽ സ്ത്രീപ്രവേശനം അനുവദിച്ച സുപ്രീംകോടതി വിധിയുടെ മറവിൽ രാഷ്ട്രീയ നേട്ടമുണ്ടാക്കാനാണ് ബിജെപിയും ആർഎസ്എസും ശ്രമിക്കുന്നതെന്ന സർക്കാർ നിലപാട് ശരിവെയ്ക്കുന്നതായിരുന്നു ശ്രീധരൻപിളളയുടെ തുറന്നു പറച്ചിൽ .
കൂടാതെ ശബരിമല വിഷയത്തിൽ അവിടെ നടത്തിയിരുന്ന സമരം സെക്രട്ടറിയറ്റിന് മുന്നിലേക്ക് മാറ്റാൻ തീരുമാനിച്ചതും പാർടിക്കുള്ളിൽ അവമതിപ്പുണ്ടാക്കി. കൂടാതെ ശബരിമലയിൽ സമരം ചെയ്തിട്ടില്ലെന്നും ആചാരസംരക്ഷണ സമിതിയുടെ സമരത്തിന് പിന്തുണകൊടുക്കുകമാത്രമാണ് ചെയ്തതെന്നും പറഞ്ഞിരുന്നു. ഇതെല്ലാമാണ് മുതിർന്ന നേതാക്കൾ വിമർശനവുമായി പരസ്യമായി രംഗത്തെത്താൻ കാരണം.
ശബരിമല സമരത്തെചൊല്ലി ബിജെപിയിൽ പൊട്ടിത്തെറി തുടങ്ങിയിട്ട് കുറച്ചുനാളായി. ശ്രീധരൻപിള്ളക്കും സംഘടനാ സെക്രട്ടറി എം ഗണേഷിനുമെതിരെ പാർടി പ്രവർത്തകർക്കിടയിൽ നോട്ടീസ് പ്രചരണവും നടക്കുന്നുണ്ട്. മുതിർന്ന എം ടി രമേശ്, എ എൻ രാധാകൃഷ്ണൻ, എന്നിവക്കെതിരായ അഴിമതി ആരോപണങ്ങളും നോട്ടീസിലുണ്ട്.
https://www.facebook.com/Malayalivartha
