കരഞ്ഞുറങ്ങി രഹന ഫാത്തിമ... കസ്റ്റഡിയിലുള്ള രഹന ഫാത്തിമയെ ജയിലില് ചോദ്യം ചെയ്തു
മതസ്പര്ധ വളര്ത്തുന്ന രീതിയില് സമൂഹമാധ്യമങ്ങളില് പ്രചാരണം നടത്തിയെന്ന കേസില് അറസ്റ്റിലായ രഹ്ന ഫാത്തിമയെ കസ്റ്റഡിയില് വേണമെന്ന പൊലീസിന്റെ ആവശ്യം കോടതി തള്ളിയതോടെ രഹന ഫാത്തിമ ജയിലിലായി. അതിനിടെ ജയിലില് 3 മുതല് 5 വരെ ചോദ്യം ചെയ്യാന് അനുമതി ലഭിച്ചതോടെ പോലീസുകാര് രഹനയെ ചോദ്യം ചെയ്തു.
ഏറെ ആക്ടിവിസം കാട്ടി ചങ്കൂറ്റത്തോടെ ശബരിമലയില് വരെ എത്തിയ രഹന ഫാത്തിമ അവസാനം കുടുങ്ങുകയായിരുന്നു. ഹൈക്കോടതി മുന്കൂര് ജാമ്യം തള്ളിയതോടെയാണ് രഹന ഫാത്തിമ ജയിലിലായത്. അതോടെ രഹനയ്ക്ക് പിടിച്ചു നില്ക്കാനായില്ല. ഇതിനിടയ്ക്ക് രഹന ജയിലില് പൊട്ടിക്കരഞ്ഞത് വാര്ത്തയായി.
കഴിഞ്ഞ ദിവസം രഹനയെ ചോദ്യം ചെയ്യുന്ന വേളയിലും രഹന സങ്കടത്തോടെയാണ് പോലീസിന് മുമ്പില് നിന്നത്. രഹ്നാ ഫാത്തിമ മതവികാരം വ്രണപ്പെടുത്തുന്ന തരത്തിലുള്ള പോസ്റ്റുകള് ഫെയ്സ്ബുക്കില് അപ്ലോഡ് ചെയ്യുന്നതിന് ഉപയോഗിച്ച മൊബൈല് ഫോണുകള് പോലീസ് കണ്ടെടുത്തിരുന്നു.
സോഷ്യല് മീഡിയയിലെ തീപ്പൊരിയായിരുന്ന രഹ്ന ഫാത്തിമ പുറത്തു കാണിച്ചിരുന്ന ധൈര്യമെല്ലാം ജയിലിലെത്തിയതോടെ കൈമോശം വന്നു. പത്തനംതിട്ട സി.ജെ.എം കോടതി ജഡ്ജിയുടെ വീട്ടില് രാത്രി എത്തിക്കുന്നതുവരെ ഇതൊക്കെ പുല്ലാണെന്നു പറഞ്ഞ് ചിരിച്ചിരുന്ന രഹ്ന 14 ദിവസം റിമാന്ഡാണെന്നു ജഡ്ജി വിധിച്ചതോടെ പൊട്ടിക്കരഞ്ഞുപോയി. തനിക്ക് അബദ്ധം പറ്റിയതാണെന്നും ഇനി ആവര്ത്തിക്കില്ലെന്നും പറഞ്ഞു. കൊട്ടാരക്കര ജയിലില് എത്തിച്ചപ്പോഴും രഹ്ന കരച്ചില് അവസാനിച്ചിരുന്നില്ല. സഹതടവുകാര് കൂകിവിളിച്ച് അപമാനിക്കുക കൂടി ചെയ്തതോടെ രഹ്നയുടെ നിലതെറ്റി. മൗനവൃതത്തിലുമായിരുന്നു.
പത്തനംതിട്ട സി.ഐ സുനില് കുമാറിന്റെ നേതൃത്വത്തിലുള്ള പൊലീസ് സംഘം എറണാകുളം പാലാരിവട്ടത്തെ ബി.എസ്.എന്.എല് ഓഫീസിലെത്തിയാണ് ഇവരെ അറസ്റ്റ് ചെയ്തത്. ബി.ജെ.പി സംസ്ഥാന സമിതിയംഗം ബി.രാധാകൃഷ്ണമേനോനാണ് രഹ്നയ്ക്കെതിരേ ഒക്ടോബര് 20നു പത്തനംതിട്ട ജില്ലാ പൊലീസ് മേധാവിക്കു പരാതി നല്കിയത്. മുന്കൂര് ജാമ്യം ആവശ്യപ്പെട്ട് രഹ്ന ഹൈക്കോടതിയെ സമീപിച്ചിരുന്നെങ്കിലും ജാമ്യം അനുവദിച്ചിരുന്നില്ല. ഇതിനുശേഷവും രഹ്നയെ അറസ്റ്റ്ചെയ്തില്ലെന്നു ചൂണ്ടിക്കാട്ടി രാധാകൃഷ്ണ മേനോന് ഹൈക്കോടതിയില് സമര്പ്പിച്ച കേസ് പരിഗണിക്കാനിരിക്കവേയാണ് അറസ്റ്റ്. അറസ്റ്റ് ചെയ്ത് പത്തനംതിട്ട പോലീസ് സ്റ്റേഷനിലെത്തിച്ച രഹ്നയെ ബി.ജെ.പി. മഹിളാമോര്ച്ച പ്രവര്ത്തകര് കൂകിവിളിച്ചാണ് വരവേറ്റത്. സ്ത്രീപക്ഷത്തിനു വേണ്ടിയാണ് തന്റെ പ്രവര്ത്തനങ്ങളെന്ന് പറഞ്ഞ് ചുംബന സമരത്തിലൂടെയാണ് രഹ്ന ആക്ടിവിസത്തിലേക്ക് എത്തുന്നത്.
"
https://www.facebook.com/Malayalivartha
