ശബരിമല വിഷയത്തില് ബിജെപിയുടെ സമരത്തിനെതിരെ ബഹുജനസഘടനകളെ അണിനിരത്തി വനിതാമതില് തീര്ക്കാനൊരുങ്ങി സര്ക്കാര്, ജനുവരി ഒന്നിന് കാസര്ഗോഡു മുതല് തിരുവനന്തപുരം വരെ വനിതാ മതില് തീര്ക്കുമെന്ന് മുഖ്യമന്ത്രി
ശബരിമല വിഷയത്തില് ബിജെപിയുടെ സമരത്തിനെതിരെ ബഹുജനസഘടനകളെ അണിനിരത്തി വനിതാമതില് തീര്ക്കാനൊരുങ്ങി സര്ക്കാര്. ജനുവരി ഒന്നിന് കാസര്ഗോഡു മുതല് തിരുവനന്തപുരംവരെ വനിതാ മതില് തീര്ക്കുമെന്ന് മുഖ്യമന്ത്രി പിണറായി വിജയന് അറിയിച്ചു. സമുദായ സംഘടനക ളുടെ യോഗത്തിനു ശേഷമായിരുന്നു മുഖ്യമന്ത്രിയുടെ പ്രഖ്യാപനം. വനിതകളെ മാത്രം അണിനിരത്തിയാകും മനുഷ്യമതില് നിര്മിക്കുക.
കേരളത്തെ പഴയപടി ഇരുണ്ടകാലത്തേക്ക് തള്ളിവിടാന് കഴിയില്ലെന്ന മുദ്രാവാക്യം ഉയര്ത്തി രാജ്യം ശ്രദ്ധിക്കപ്പെടുന്ന പരിപാടിയായി ഇതുമാറുമെന്നും അദ്ദേഹം പറഞ്ഞു. ഇതിനായി എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ചെയര്മാനായും കെപിഎംഎസ് സംസ്ഥാന ജനറല് സെക്രട്ടറി പുന്നല ശ്രീകുമാര് കണ്വീനര് ആയുമുള്ള എക്സിക്യൂട്ടീവ് കമ്മിറ്റി രൂപീകരിച്ചു. രാഷ്ട്രീയ പാര്ട്ടികളും മറ്റ് സാമൂഹിക സംഘടനകളും പരിപാടിക്ക് പിന്തുണ നല്കും. കേരളത്തെ വീണ്ടും ഭ്രാന്താലയമാക്കരുതെന്നാണ് ഇതിലൂടെ പറയാന് ശ്രമിക്കുന്നതെന്നും മുഖ്യമന്ത്രി അറിയിച്ചു
https://www.facebook.com/Malayalivartha
