കണ്ണിലെ കരട് നീക്കാന്‍ ചെന്ന വൃദ്ധന് തന്റെ കണ്ണ് തന്നെ നഷ്ടമായി. മേസ്തിരിപ്പണിക്കിടെ തന്റ കണ്ണില്‍ കരട് പോയെന്ന് ഒറ്റയ്ക്കല്‍ പ്രിയാഭവനില്‍ ഡി മണി പറയുന്നു. മേസ്തിരിപ്പണിയ്ക്കിടെ ഒക്‌ടോബര്‍ 31 നാണ് മണിയുടെ കണ്ണില്‍ കരട് പോയത്. ഉടന്‍ പത്താപുരത്തെ സ്വകാര്യ ആശുപത്രിയില്‍ എത്തി പരിശോധന നടത്തി. അവര്‍ മൂന്ന് ദിവസം കഴിഞ്ഞ വരാന്‍ ആവശ്യപ്പെട്ടു.

എക്‌സേ എടുത്തു നോക്കാന്‍ മണി ആവശ്യപ്പെട്ടുവെങ്കിലും കുഴപ്പമില്ലെന്നായിരുന്നു ഡോക്ടര്‍ മറുപടി നല്‍കിയത്. എന്നാല്‍, മൂന്ന് ദിവസം കഴിഞ്ഞ് എത്തിയപ്പോള്‍ വേദന തുടങ്ങിയതിനാല്‍ എക്‌സ്‌റേ എടുപ്പിച്ചു. ഇതോടെ കണ്ണ് അപകടാവസ്ഥയിലാണെന്ന് തിരിച്ചറിച്ചു. തുടര്‍ന്ന് മണിയെ മെഡിക്കല്‍ കോളജ് ആശുപത്രിയിലേയ്ക്ക് കയറ്റു. അവിടെ എത്തിയ മണിയെ പരിശോധിച്ച ഡോക്ടര്‍മാര്‍ രണ്ടു കണ്ണുകളും നീക്കം ചെയ്യേണ്ടി വരുമെന്ന് അറിയിച്ചു. വിദഗ്ധ ചകിത്സയ്ക്ക് ഒടുവില്‍ നവംബര്‍ 16 ന് കരടു വീണ കണ്ണ് നീക്കം ചെയ്യുകയും മറ്റേ കണ്ണ് നിരീക്ഷണത്തിലാക്കുകയും ചെയ്തു.

മൂന്ന് മാസത്തിന് ശേഷം മാത്രമേ ശേഷിക്കുന്ന കണ്ണിന്റെ തുടര്‍ ചികിത്സ തീരുമാനിക്കൂ... സംഭവം ചൂണ്ടിക്കാട്ടി മണി പോലീസില്‍ സമീപിച്ചിട്ടുണ്ട്.