പോലീസുകാരന്റെ കണ്ണില് കറിയെടുത്തെറിഞ്ഞ് പ്രതി സ്ഥലം വിട്ടു, അന്വേഷണം ഊര്ജ്ജിതമാക്കി പോലീസ്
മോഷണക്കേസില് കസ്റ്റഡിയിലെടുത്ത രണ്ടംഗസംഘത്തില് ഒരാള് പോലീസ് സ്റ്റേഷനില്നിന്നും രക്ഷപ്പെട്ടു. എറണാകുളം സെന്ട്രല് പോലീസ് സ്റ്റേഷനില് കഴിഞ്ഞ ദിവസം രാവിലെയായിരുന്നു സംഭവമുണ്ടായത്.
ബ്രോഡ്വേയിലെ കടകളില് ഉള്പ്പെടെ മോഷണം നടത്തിയ കേസിലെ പ്രതിയായ പൊന്നാനി സ്വദേശി തഫ്സീര് ദര്വേശാനാ(21)ണു രക്ഷപ്പെട്ടത്. മറ്റൊരു കേസില് റിമാന്ഡില് കഴിഞ്ഞിരുന്ന തഫ്സീറിനെയും കൂട്ടുപ്രതി മുഹമ്മദിനെയും കഴിഞ്ഞ ദിവസം കൂടുതല് അന്വേഷണത്തിനായി പോലീസ് കസ്റ്റഡിയില് വാങ്ങിയിരുന്നു. സെന്ട്രല് പോലീസ് സ്റ്റേഷനിലെത്തിച്ച ഇരുവരെയും രാത്രി ഭക്ഷണം വാങ്ങിനല്കി ലോക്കപ്പിലടച്ചു. കഴിക്കാന് നല്കിയ കടലക്കറി ഇയാള് ഒളിപ്പിച്ചുവച്ചു.
പുലര്ച്ചെ മൂന്നോടെ മുഹമ്മദ് മൂത്രമൊഴിക്കണമെന്ന് ആവശ്യപ്പെട്ടു. തിരിച്ചു ലോക്കപ്പിലേക്കു കൊണ്ടുപോകുന്നതിനിടെ പാറാവ് നിന്ന പോലീസുകാരന്റെ മുഖത്തേക്കു തഫ്സീര് കടലക്കറി ഒഴിച്ചു. രണ്ടു പ്രതികളും ഓടി രക്ഷപ്പെടാന് ശ്രമിച്ചെങ്കിലും പോലീസുകാര് മുഹമ്മദിനെ പിടികൂടി. തഫ്സീര് രക്ഷപ്പെട്ടു.
"
https://www.facebook.com/Malayalivartha
