കേരള രാജ്യാന്തര ചലച്ചിത്രമേളയ്ക്ക് നാളെ തുടക്കമാകും... ഡിസംബര് ഏഴുമുതല് 13 വരെ നഗരത്തിലെ 13 തിയറ്ററിലായി വിദേശ ചിത്രങ്ങളുടേതടക്കം 488 പ്രദര്ശനം
ലോകത്തിന്റെ കാഴ്ച വൈവിധ്യങ്ങളിലേക്ക് കണ്ണ് തുറക്കുന്ന കേരള രാജ്യാന്തര ചലച്ചിത്രമേളയ്ക്ക് നാളെ തുടക്കമാകും. ആദ്യ ദിനം ടര്ക്കിഷ് സിനിമയായ ദ അനൗണ്സ്മെന്റ് അടക്കം 34 സിനിമ പ്രദര്ശിപ്പിക്കും. ഏഴിന് രാവിലെ ഒമ്പതിന് റഷ്യന് സംവിധായകന് ഇവാന് ദ്വോര്ദോവ്സ്കിയുടെ 'ജമ്പ് മാനും' യിങ് ലിയാങ്ങിന്റെ എ ഫാമിലി ടൂറും പ്രദര്ശിപ്പിക്കും.
തുടര്ന്ന് വര്ക്കിങ് വുമണ്, മിഡ്നൈറ്റ് റണ്ണര്, ഗേള്സ് ഓള്വെയ്സ് ഹാപ്പി തുടങ്ങിയ ചിത്രങ്ങള് പ്രദര്ശനത്തിനെത്തും. ഹോപ് ആന്ഡ് റീബില്ഡിങ് വിഭാഗത്തില് ഉള്പ്പെട്ട മെല് ഗിപ്സണ് സംവിധാനം അപ്പോകാലിപ്റ്റോയുടെയും ഇംഗ്മര് ബര്ഗ്മാന്റെ െ്രെകസ് ആന്ഡ് വിസ്പേഴ്സിന്റെയും ഏക പ്രദര്ശനവും വെള്ളിയാഴ്ചയാണ്. വൈകിട്ട് ആറിന് നിശാഗന്ധിയില് നടക്കുന്ന ഉദ്ഘാടനച്ചടങ്ങിനുശേഷം സ്പാനിഷ് സൈക്കോ ത്രില്ലര് എവെരിബഡി നോസ് പ്രദര്ശിപ്പിക്കും.
ഇറാനിലെ പുതുയുഗ സംവിധായകരില് ഏറ്റവും ശ്രദ്ധേയനായ അസ്ഗര് ഫര്ഹാദിയാണ് ഉദ്ഘാടന ചിത്രത്തിന്റെ സംവിധായകന്. ഇത്തവണ 17 ചിത്രത്തിന് ഓപ്പണ് തിയറ്ററായ നിശാഗന്ധിവേദിയാകും. മിഡ്നൈറ്റ് സ്ക്രീനിങ് തുംബാദ്, ക്ലൈമാക്സ്, ദ ഹൗസ് ദാറ്റ് ജാക്ക് ബില്റ്റ് തുടങ്ങിയ ചിത്രങ്ങളും നിശാഗന്ധിയില് പ്രദര്ശിപ്പിക്കും.
മികച്ച ദൃശ്യശ്രാവ്യ അനുഭവമായ ജീന് ലൂക്ക് ഗൊദാദിന്റെ ദി ഇമേജ് ബുക്കിന്റെ പ്രദര്ശനം മേളയുടെ രണ്ടാം ദിവസം നടക്കും. ഡിസംബര് ഏഴുമുതല് 13 വരെ നഗരത്തിലെ 13 തിയറ്ററിലായി വിദേശ ചിത്രങ്ങളുടേതടക്കം 488 പ്രദര്ശനമാണ് നടക്കുക. വിവിധ രാജ്യങ്ങളില്നിന്ന് 164 ചിത്രമാണ് മേളയുടെ ഭാഗമാകുന്നത്.
https://www.facebook.com/Malayalivartha
