നിരോധനാജ്ഞ തീര്ത്ഥാടകര്ക്ക് ബുദ്ധിമുട്ടല്ലെന്ന് നിരീക്ഷണ സമിതി; ശബരിമലയില് നിരോധനാജ്ഞ പ്രഖ്യാപിച്ചതിനെ ശക്തമായി ന്യായീകരിച്ച് സംസ്ഥാന സര്ക്കാര് ഹൈക്കോടതിയില് റിപ്പോര്ട്ട് സമര്പ്പിച്ചു
ശബരിമലയില് പ്രഖ്യാപിച്ചിട്ടുള്ള നിരോധനാജ്ഞ മൂലം തീര്ത്ഥാടകര്ക്ക് ബുദ്ധിമുട്ടുകള് ഒന്നും നേരിടുന്നില്ലെന്ന് ഹൈക്കോടതി. ഇക്കാര്യം കോടതി നിയോഗിച്ച സമിതി റിപ്പോര്ട്ട് ചെയ്തതായും കോടതി വ്യക്തമാക്കി. നിരോധനാജ്ഞ ചോദ്യം ചെയ്യുന്ന ഒരു കൂട്ടം ഹര്ജികളില് വാദം കേള്ക്കുകയായിരുന്നു കോടതി.
ശബരിമലയില് തിരക്ക് കൂടിയിട്ടുണ്ടന്നും കഴിഞ്ഞ ദിവസങ്ങളില് എണ്പതിനായിരം പേര് വന്നു പോയതായും സമിതി അറിയിച്ചുവെന്നും കോടതി വ്യക്തമാക്കി.നിരോധനാജ്ഞ പിന്വലിക്കണമെന്ന ഹര്ജി പരിഗണിക്കവേയാണ് കോടതി തുറന്ന കോടതിയില് ഇക്കാര്യം വ്യക്തമാക്കിയത്.
നിരോധനാജ്ഞ അനന്തമായി നീട്ടുകയാണന്ന് ഹര്ജിക്കാര് ചൂണ്ടിക്കാട്ടി. കേസ് അടുത്ത വ്യാഴാഴ്ച പരിഗണിക്കും.
അതേസമയം ശബരിമലയില് നിരോധനാജ്ഞ പ്രഖ്യാപിച്ചതിനെ ശക്തമായി ന്യായീകരിച്ച് സംസ്ഥാന സര്ക്കാര് ഹൈക്കോടതിയില് റിപ്പോര്ട്ട് സമര്പ്പിച്ചു. നിരോധനാജ്ഞയെ ചോദ്യം ചെയ്തു കൊണ്ട് ഹൈക്കോടതിയില് സമര്പ്പിച്ച ഹര്ജിയിലാണ് സംസ്ഥാന സര്ക്കാര് നിലപാട് വ്യക്തമാക്കിയത്. ഭക്തരുടെ സുരക്ഷ ഉറപ്പാക്കാനായത് നിരോധനാജ്ഞ പ്രഖ്യാപിച്ചതിനാലാണെന്നും ശബരിമലയില് ക്രമസമാധാനം ഉറപ്പാക്കാന് നിരോധനാജ്ഞ വേണമെന്നും റിപ്പോര്ട്ടില് സര്ക്കാര് ചൂണ്ടിക്കാട്ടുന്നു.
ഉചിതമായ ബോധ്യത്തിന്റെ അടിസ്ഥാനത്തിലാണ് നിരോധനാജ്ഞ ഉത്തരവ് പുറപ്പെടുവിച്ചതെന്നും പത്തനംതിട്ട എഡിഎം തയ്യാറാക്കിയ റിപ്പോര്ട്ടിലുണ്ട്. ശബരിമലയിലെ ക്രമസമാധാന പാലനത്തിന് നിരോധനാജ്ഞ തുടരേണ്ടതുണ്ട് ചില രാഷ്ട്രീയ പാര്ട്ടികള് ഗൂഢ ലക്ഷ്യത്തോടെ ശബരിമല കേന്ദ്രീകരിച്ചു പ്രവര്ത്തിക്കുന്നുണ്ട്. സുപ്രീം കോടതി വിധിയെ ഇവര് മാനിക്കുന്നില്ല. തീര്ത്ഥാടകരായ സ്ത്രീകളെ ആക്രമിക്കുന്ന സാഹചര്യം സന്നിധാനത്ത് ഉണ്ടായി. ഈ അവസരത്തില് 144 തുടരണമെന്ന് സര്ക്കാര് വാദിച്ചു.
നിരോധനാജ്ഞ ചോദ്യം ചെയ്യുന്ന ഒരു കൂട്ടം ഹര്ജികളിലാണ് കോടതി വാദം കേള്ക്കുന്നത്. ശബരിമലയില് തിരക്ക് കൂടിയിട്ടുണ്ടന്നും കഴിഞ്ഞ ദിവസങ്ങളില് എണ്പതിനായിരം പേര് വന്നു പോയതായും സമിതി അറിയിച്ചുവെന്നും കോടതി വ്യക്തമാക്കി. നിരോധനാജ്ഞ പിന്വലിക്കണമെന്ന ഹര്ജി പരിഗണിക്കവേയാണ് കോടതി തുറന്ന കോടതിയില് ഇക്കാര്യം വ്യക്തമാക്കിയത്. നിരോധനാജ്ഞ അനന്തമായി നീട്ടുകയാണന്ന് ഹര്ജിക്കാര് ചൂണ്ടിക്കാട്ടി. കേസ് അടുത്ത വ്യാഴാഴ്ച പരിഗണിക്കും.
അതേസമയം ബിജെപി ജനറൽ സെക്രട്ടറി എ എൻ രാധാകൃഷ്ണൻ സെക്രട്ടേറിയറ്റിന് മുന്നിൽ നടത്തുന്ന നിരാഹാര സമരം നാലാം ദിവസത്തിലേക്ക് കടന്നു. കെ.സുരേന്ദ്രനെതിരായ കേസുകൾ പിൻവലിക്കുക, ശബരിമലയിലെ അടിസ്ഥാന സൗകര്യങ്ങൾ വർദ്ധിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം.
15 ദിവസത്തിനകം ഇവ അംഗീകരിച്ചില്ലെങ്കിൽ സമരം ശക്തമാക്കുമെന്ന് ബിജെപി നേതൃത്വം വ്യക്തമാക്കിയിട്ടുണ്ട്. എ.എൻ രാധാകൃഷ്ണന് ഐക്യദാർഢ്യവുമായി ബിജെപി ദേശീയ സെക്രട്ടറി എച്ച് രാജ ഇന്ന് സമരപ്പന്തലിൽ എത്തും.
അതേസമയം, ശബരിമല പ്രശ്നത്തിൽ മൂന്ന് യുഡിഎഫ് എംഎൽഎമാർ നിയമസഭ കവാടത്തിൽ നടത്തുന്ന അനിശ്ചിതകാല സത്യഗ്രഹ സമരവും നാലാം ദിവസത്തിലേക്ക് കടന്നു. വി എസ് ശിവകുമാർ, പാറക്കൽ അബ്ദുള്ള, പ്രൊഫസർ എൻ ജയരാജ് എന്നിവരാണ് സമരം നടത്തുന്നത്.
https://www.facebook.com/Malayalivartha
