സൊമാലിയന് മീന്പിടിത്ത ബോട്ടില്നിന്നു നാവികസേന വന് ആയുധശേഖരം പിടികൂടി
09 DECEMBER 2018 01:47 PM IST
മലയാളി വാര്ത്ത
സൊമാലിയന് മീന്പിടിത്ത ബോട്ടില്നിന്നു നാവികസേന വന് ആയുധശേഖരം പിടികൂടി. സൊമാലിയന് തീരത്തുനിന്ന് 25 നോട്ടിക്കല് മൈല് അകലെ സൊക്രോട്ട ദ്വീപിനു സമീപത്തുനിന്നാണു ശനിയാഴ്ച ആയുധ ശേഖരം പിടികൂടിയത്.
ഏദന് കടലിടുക്കില് കടല്ക്കൊള്ളക്കാരില്നിന്നു സംരക്ഷണം നല്കുന്നതിനായി നിയോഗിക്കപ്പെട്ടിരുന്ന നാവികസേനയുടെ കപ്പലായ സുനയന നടത്തിയ പരിശോധനയിലാണ് ആയുധ ശേഖരം കണ്ടെത്തിയത്. സംശയകരമായ സാഹചര്യത്തില് കണ്ട ബോട്ട് പരിശോധിക്കവെയാണു കണ്ടെത്തല്
എകെ 47 തോക്കുകള്, ലൈറ്റ് മെഷീന് ഗണ്, മറ്റ് വെടിക്കോപ്പുകള് എന്നിവ പിടിച്ചെടുത്തവയില് ഉള്പ്പെടുന്നു. കടല്ക്കൊള്ളക്കാരുടെ സാന്നിധ്യം ഏറെയുള്ള സൊമാലിയന് മേഖലകളില് ഇന്ത്യന് നാവിക സേന നിരീക്ഷണങ്ങള് നടത്തിവരികയാണ്
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
