ശബരിമല സമരത്തില് കുമ്മനം രാജശേഖന് ഉണ്ടായിരുന്നുവെങ്കില്... സമരത്തിന് കൂടുതല് ഗുണകരമാകുമായിരുന്നുവെന്ന് കെ. സുരേന്ദ്രന്
ശബരിമല സമരത്തില് ബി.ജെ.പി മുന് അദ്ധ്യക്ഷന് കുമ്മനം രാജശേഖന് ഉണ്ടായിരുന്നുവെങ്കിലെന്ന് ആഗ്രഹിച്ചിരുന്നെന്ന് ബി ജെ പി സംസ്ഥാന ജനറല് സെക്രട്ടറി കെ സുരേന്ദ്രന്. കുമ്മനം രാജശേഖരന് ബി ജെ പി നേതാവ് എന്നതിനേക്കാളുപരി ഹിന്ദു സമുദായത്തില് മുഴുവന് സ്വാധീനമുള്ള വ്യക്തിയാണ്.
അതുകൊണ്ട്, കുമ്മനത്തിന്റെ വ്യക്തിപ്രഭാവം അടക്കമുള്ള കാര്യങ്ങള് സമരത്തിന് കൂടുതല് ഗുണകരമാകുമായിരുന്നുവെന്നും ഒരു ചാനല് അഭിമുഖത്തില് സുരേന്ദ്രന് പറഞ്ഞു. അതേസമയം, ഈ പറഞ്ഞത് ഒരിക്കലും പി.എസ്.ശ്രീധരന് പിള്ളയ്ക്ക് എതിരെയുള്ള വിമര്ശനമായി കാണരുതെന്നും സുരേന്ദ്രന് പറഞ്ഞു.
സംസ്ഥാന സര്ക്കാരിന്റെ ഭാഗത്ത് നിന്ന് യാതൊരു പ്രകോപനവും ഉണ്ടാകാതിരുന്നതിനാലാണ് സമരത്തിന്റെ ഊര്ജം കുറഞ്ഞത്. ശബരിമല പ്രക്ഷോഭം ലോക്സഭാ തിരഞ്ഞെടുപ്പിലടക്കം ഗുണം ചെയ്യുമെന്നാണ് പ്രതീക്ഷയെന്നും കെ സുരേന്ദ്രന് പറഞ്ഞു. ശബരിമല പ്രക്ഷോഭം സുവര്ണാവസരമെന്ന പി.എസ്. ശ്രീധരന് പിളളയുടെ പരാമര്ശത്തെക്കുറിച്ച് അറിയില്ലെന്നും കെ. സുരേന്ദ്രന് പറഞ്ഞു.
https://www.facebook.com/Malayalivartha