വഴിതടഞ്ഞാല് ഉടന് അറസ്റ്റെന്ന് ഡിജിപി; കെ.എസ്.ആര്.ടി.സി സ്വകാര്യ ബസുകള് എന്നിവയ്ക്ക് സുരക്ഷയൊരുക്കും; ശബരിമല വാഹനങ്ങള്ക്കും പ്രത്യേക സുരക്ഷ നല്കുമെന്നും; ഡിജിപി
ബിജെപി പ്രഖ്യാപിച്ച ഹര്ത്താലില് അക്രമം കാണിച്ചാല് അറസ്റ്റ് ചെയ്യാന് നിര്ദേശം. ഡിജിപിയാണ് പൊലീസിന് നിര്ദേശം നല്കിയത്. .കടകള് അടപ്പിക്കാനും വഴിതടയാനും അനുവദിക്കരുത്. സര്ക്കാര് ഓഫീസുകളും കോടതികളും പ്രവര്ത്തിക്കാന് സംവിധാനമൊരുക്കണമെന്നും പൊലീസിന് നിര്ദേശമുണ്ട്. കെഎസ്ആര്ടിസി, സ്വകാര്യ ബസുകള് എന്നിവയ്ക്ക് സുരക്ഷയൊരുക്കണം. ശബരിമല വാഹനങ്ങള്ക്കും പ്രത്യേക സുരക്ഷ വേണമെന്നും ഡിജിപി വ്യക്തമാക്കുന്നു.
ബിജെപി സമരപ്പന്തലിന് മുന്നില് തിരുവനന്തപുരം മുട്ടടം സ്വദേശി വേണുഗോപാലന് നായര് തീകൊളുത്തി ആത്മഹത്യ ചെയ്തതിന് പിന്നാലെയാണ് ബിജെപി ഹര്ത്താല് പ്രഖ്യാപിച്ചത്. രാവിലെ ആറു മുതല് വൈകിട്ട് ആറുവരെയാണ് ഹര്ത്താല്. ശബരിമല തീര്ഥാടകരെ ഹര്ത്താലില് നിന്ന് ഒഴിവാക്കിയിട്ടുണ്ട്.
ഹര്ത്താലിന്റെ പശ്ചാത്തലത്തില് കേരള, എം.ജി. കണ്ണൂര്, സാങ്കേതിക സര്വകലാശാലകള് പരീക്ഷകള് മാറ്റിവച്ചു. നാളത്തെ ഹയര് സെക്കന്ഡറി, വൊക്കേഷനല് ഹയര് സെക്കന്ഡറി പരീക്ഷകളും മാറ്റി.
അതേസമയം വേണുപാലന്നായരുടെ മരണമൊഴി പുറത്ത് വന്നതോടെ ബിജെപി പ്രതിരോധത്തിലുമായി. ബിജെപി സമരത്തെക്കുറിച്ചോ ശബരിമലയെക്കുറിച്ചോ മൊഴിയില് പരാമര്ശമില്ല ജീവിതം മടുത്തതിനാല് സ്വയം അവസാനിപ്പിച്ചതാണെന്നാണ് മൊഴി. കുറേനാളായി ജീവിക്കണമെന്ന് ആഗ്രഹിച്ചിരുന്നില്ല. ഡോക്ടറും മജിസ്ട്രേറ്റും മൊഴി രേഖപ്പെടുത്തി.
സി.കെ.പത്മനാഭന് നിരാഹാരം കിടക്കുന്ന സമരപന്തലിന് സമീപമാണ് പുലര്ച്ചെ ആത്മഹത്യശ്രമം നടന്നത്. പെട്രോള് ഒഴിച്ച് തീ കൊടുത്തിയ വേണുഗോപാലന് നായര് റോഡ് മുറിച്ച് കടന്ന് സമരപന്തലിലേക്ക് ഓടിക്കയറാന് ശ്രമിക്കുകയായിരുന്നു. പാര്ട്ടിപ്രവര്ത്തകരും പൊലീസും ചേര്ന്നാണ് തീ അണച്ചത്.
ഹര്ത്താലിനെതിരെ രോഷം
ബിജെപി ഹര്ത്താലിനെതിരെ രോഷവുമായി സര്ക്കാരും പ്രതിപക്ഷവും രംഗത്ത്. ബി.ജെ.പിക്ക് ഹര്ത്താല് ആഘോഷമാണെന്ന് മന്ത്രി കടകംപള്ളി സുരേന്ദ്രന് വിമര്ശിച്ചു.
രണ്ടുമാസങ്ങള്ക്കിടയില് ബി.ജെ.പി നടത്തുന്ന ഏഴാമത്തെ ഹര്ത്താലാണിത്. സത്യഗ്രഹപന്തലിന് സമീപത്തെ ആത്മഹത്യ സര്ക്കാര് അന്വേഷിക്കും.
അപ്രതീക്ഷിതഹര്ത്താല് ജനങ്ങളോടുളള ദ്രോഹമെന്ന് പ്രതിപക്ഷനേതാവ് രമേശ് ചെന്നിത്തലയും പ്രതികരിച്ചു.
ഇന്ന് രാവിലെയാണ് ബിജെപി സമരപ്പന്തലിന് മുന്നില് തിരുവനന്തപുരം മുട്ടടം സ്വദേശി വേണുഗോപാലന് നായര് തീകൊളുത്തി ആത്മഹത്യ ചെയ്തത്. പിന്നാലെ ബിജെപി ഹര്ത്താല് പ്രഖ്യാപിച്ചു. രാവിലെ ആറു മുതല് വൈകിട്ട് ആറുവരെയാണ് ഹര്ത്താല്. ശബരിമല തീര്ഥാടകരെ ഹര്ത്താലില് നിന്ന് ഒഴിവാക്കിയിട്ടുണ്ട്.
ഹര്ത്താലിന്റെ പശ്ചാത്തലത്തില് കേരള, എം.ജി. കണ്ണൂര്, സാങ്കേതിക സര്വകലാശാലകള് നാളെ നടത്താനിരുന്ന പരീക്ഷകള് മാറ്റിവച്ചു. നാളത്തെ ഹയര് സെക്കന്ഡറി, വൊക്കേഷനല് ഹയര് സെക്കന്ഡറി പരീക്ഷകളും മാറ്റി.
https://www.facebook.com/Malayalivartha
