എന്തിനാണ് ഹര്ത്താല് നടത്തുന്നത്? കുടുംബപ്രശ്നങ്ങള് കാരണം മനംനൊന്ത് ആത്മഹത്യ ചെയ്തതാണ് വേണുഗോപാലന് നായര്
തുടര്ച്ചയായ ഹര്ത്താലിന് പിന്നാലെ ബിജെപിയുടെ ഇന്നത്തെ ഹര്ത്താലിനെ കളിയാക്കി മുഖ്യമന്ത്രി പിണറായി വിജയന്. ബിജെപിയുടേത് അപഹാസ്യമായ ഹര്ത്താല് എന്ന് മുഖ്യമന്ത്രി പറഞ്ഞു. എന്തിനാണ് ഹര്ത്താല് നടത്തുന്നതെന്ന് ബിജെപി വ്യക്തമാക്കണം. കുടുംബപ്രശ്നങ്ങള് കാരണം മനംനൊന്താണ് ആത്മഹത്യയെന്ന് വേണുഗോപാലന് നായര് മരണമൊഴിയില് വ്യക്തമാക്കിയിട്ടുണ്ട്. മജിസ്ട്രേറ്റ് മരണമൊഴി രേഖപ്പെടുത്തിയിട്ടുണ്ട്. ബിജെപി കേന്ദ്ര നേതൃത്വം നയം വ്യക്തമാക്കണമെന്നും പിണറായി വിജയന് മാധ്യമങ്ങളോട് പറഞ്ഞു.
ബിജെപി ഹര്ത്താല് ജനം തള്ളിക്കളഞ്ഞെന്ന് ദേവസ്വം മന്ത്രി കടകംപള്ളി സുരേന്ദ്രന് പ്രതികരിച്ചു. മരിച്ച വേണുഗോപാലന് നായര്ക്ക് ഏതെങ്കിലും രാഷ്ട്രീയപാര്ട്ടിയോട് ആഭിമുഖ്യം ഉള്ളതായി ആര്ക്കും അറിയില്ല. വേണുഗോപാലന് നായരുടെ കുടുംബം ഇടത് പക്ഷത്തിനൊപ്പം നില്ക്കുന്നവരെന്നും കടകംപള്ളി സുരേന്ദ്രന് മാധ്യമങ്ങളോട് പറഞ്ഞു.
കുടുംബവുമായി താന് സംസാരിച്ചു. വേണുഗോപാലന് നായര് മാനസികമായി അസ്വസ്ഥത പ്രകടിപ്പിച്ചിരുന്നു വെന്നും ദേവസ്വം മന്ത്രി പറഞ്ഞു. ബിജെപിയുടേത് ഭ്രാന്തമായ നിലപാടാണ്. ഹര്ത്താലിനെതിരെ ജനകീയ മുന്നേറ്റം വേണം. തീര്ത്ഥാടകര് പല സ്ഥലങ്ങളില് കുടുങ്ങിക്കിടക്കുന്നു, പിന്നെ എങ്ങനെയാണ് തീര്ത്ഥാടകരെ ഒഴിവാക്കിയെന്ന് ബിജെപി പറയുന്നത്.ഏത് വിധേനയും ബലിദാനികളെ സൃഷ്ടിക്കുകയാണ് ബിജെപിയെന്നും അദ്ദേഹം കൂട്ടിച്ചേര്ത്തു.
ശബരിമല സമരം പൊളിഞ്ഞതിലെ ജാള്യത മറച്ച് വയ്ക്കാനാണ് ആത്മഹത്യയുടെ മറവില് ബിജെപി ഹര്ത്താലിന് ആഹ്വാനം നല്കിയതെന്ന് പ്രതിപക്ഷ നേതാവ് രമേശ് ചെന്നിത്തലയും പറഞ്ഞു. ബിജെപി ആഹ്വാനം ചെയ്ത അപ്രതീക്ഷിത ഹര്ത്താല് ജനദ്രോഹമാണ്, തുടര്ച്ചയായി അപ്രതീക്ഷിത ഹര്ത്താല് പ്രഖ്യാപിച്ച് ബിജെപി സംസ്ഥാനത്തെ ജനങ്ങളെ ദ്രോഹിക്കുകയാണെന്നും അദ്ദേഹം കൂട്ടിച്ചേര്ത്തു.
സെക്രട്ടറിയേറ്റിന് മുന്നിലെ ബിജെപി സമരപന്തലിന് സമീപം ആത്മഹത്യ ചെയ്ത വേണുഗോപാലന് നായരുടെ മരണത്തില് പ്രതിഷേധിച്ചാണ് ബിജെപിയുടെ സംസ്ഥാന ഹര്ത്താല്. ശബരിമല വിഷയത്തിലുള്ള സര്ക്കാറിന്റെ നയത്തിലുള്ള പ്രതിഷേധമാണ് ആത്മഹത്യക്ക് പിന്നിലെന്നാണ് ബിജെപി പറയുന്നത്. എന്നാല് വേണുഗോപാലന് നായരുടെ മരണമൊഴി ബിജെപി നിലപാടിന് വിരുദ്ധമാണ്. മറ്റ് പ്രേരണകളൊന്നുമില്ലെന്നും സ്വയം എടുത്ത തീരുമാനമാണെന്നുമാണ് മരണമൊഴി. ശബരിമലയെക്കുറിച്ചോ ബിജെപിയെക്കുറിച്ചോ മരണമൊഴിയില് പ്രതിപാദിച്ചിട്ടുമില്ല.
അതേസമയം ബിജെപി സമരപന്തലിന് സമീപം ആത്മഹത്യ ചെയ്ത വേണുഗോപാലന് നായരുടെ പോസ്റ്റ്മോര്ട്ടം ഇന്ന് നടക്കും. മരണത്തെ കുറിച്ച് സമഗ്ര അന്വേഷണം നടത്താനാണ് പോലീസ് നീക്കം. വേണുഗോപാലന് നായരുടെ ആത്മഹത്യയില് പ്രതിഷേധിച്ചാണ് ബിജെപിയുടെ സംസ്ഥാന ഹര്ത്താല്. സര്ക്കാറിന്റെ ശബരിമല നയത്തിലുള്ള പ്രതിഷേധമാണ് ആത്മഹത്യക്ക് പിന്നിലെന്നാണ് ബിജെപിയുടെ അവകാശവാദം.എന്നാല് മരണമൊഴി ബിജെപി നിലപാടിന് വിരുദ്ധമാണ്.
മറ്റ് പ്രേരണകളൊന്നുമില്ലെന്നും സ്വയം എടുത്ത തീരുമാനമാണെന്നുമാണ് മരണമൊഴി. ഈ സാഹചര്യത്തിലാണ് പോലീസ് വിശദമായ അന്വേഷണം നടത്തുന്നത്. മരണമൊഴി ഇന്ന് പോലീസ് മജിസ്ട്രേറ്റില് നിന്ന് വാങ്ങും. മുട്ടടയിലെ സഹോദരന്റെ വീട്ടിലുണ്ടായിരുന്ന വേണുഗോപാലന് നായര് ഒരു ഓട്ടോയില് സെക്രട്ടറിയേറ്റിന് മുന്നിലെത്തി എന്ന വിവരമാണ് പോലീസിന് കിട്ടിയത്. ഓട്ടോ കണ്ടെത്താന് സിസിടിവി ദൃശ്യങ്ങള് പോലീസ് പരിശോധിക്കുകയാണ്. കത്തിക്കാന് ഉപയോഗിച്ച് മണ്ണെണ്ണ എവിടെ നിന്നും കിട്ടിയെന്നും അന്വേഷിക്കുന്നുണ്ട്.
തീ പടരുന്നതിന്റെ രണ്ട് സിസിടിവി ദൃശ്യങ്ങള് ഇതിനകം പോലീസിന് കിട്ടിയിട്ടുണ്ട്. പോസ്റ്റ്മോര്ട്ടത്തിന് ശേഷം ബന്ധുക്കളുടെ മൊഴി വിശദമായി രേഖപ്പെടുത്തും. ശബരിമല പ്രശ്നം തന്നെയാണ് ആത്മഹത്യക്ക് കാരണമെന്നാണ് ബന്ധുക്കളില് ചിലര് പറയുന്നത്.
https://www.facebook.com/Malayalivartha
