സമരപ്പന്തലിന് സമീപം ആത്മഹത്യ ചെയ്ത വേണുഗോപാലന് നായരുടെ മരണമൊഴിയുടെ പകര്പ്പ് പുറത്ത്
ബിജെപിയുടെ സമരപ്പന്തലിന് സമീപം ആത്മഹത്യ ചെയ്ത വേണുഗാപാലന് നായരുടെ മരണമൊഴിയുടെ പകര്പ്പ് പുറത്ത്. മജിസ്ട്രേറ്റിന് നല്കിയ മൊഴിപകര്പ്പാണ് പുറത്തുവന്നത്. തനിക്ക് സമൂഹത്തോട് വെറുപ്പാണെന്നാണ് വേണുഗാപാലന് നായരുടെ മരണമൊഴിയില് പറയുന്നത്.
മരണം സ്വയം തീരുമാനിച്ചതാണെന്നും വേണുഗോപാല് പറയുന്നുണ്ട്. ആരും പ്രേരിപ്പിച്ചിട്ടില്ല ആത്മഹത്യയെന്നും മൊഴിയിലുണ്ട്. തിരുവനന്തപുരം മെഡിക്കല് കോളേജ് ആശുപത്രിയിലെ ഡോക്ടറുടെ സാന്നിധ്യത്തിലായിരുന്നു മൊഴിയെടുപ്പ്. ശബരിമല വിഷയമോ ബിജെപി സമരമോ പരാമര്ശിക്കുന്നില്ല. അതേസമയം, വേണുഗോപാലന് നായരുടെ മരണത്തില് പ്രതിഷേധിച്ച് ബിജെപി ഇന്ന് സംസ്ഥാന വ്യാപകമായി ഹര്ത്താല് നടത്തിയിരുന്നു.
ഇന്നലെ പുലര്ച്ചെയാണ് വേണുഗോപാലന് സെക്രട്ടേറിയറ്റിന് മുന്നില് സ്വയം തീകൊളുത്തിയത്. സമരപ്പന്തലിലേക്ക് ഓടിക്കയറിയ വേണുഗോപാലന് ശരീരത്തില് മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു. തുടര്ന്ന് ഗുരുതരമായി പൊള്ളലേറ്റ നിലയില് വേണുഗോപാലനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു. തിരുവനന്തപുരം മുട്ടട സ്വദേശിയാണ് വേണുഗോപാലന് നായര്.
https://www.facebook.com/Malayalivartha
