ലോകത്തിലെ വലിയ പരിശ്രമവുമായി കേരളം... തായ് ലന്റിന് ശേഷം ബൃഹത്തായ പ്രളയനിരപ്പ് മാപ്പിങ്ങ് പഠനം നടത്തിയ കേരളം അന്താരാഷ്ട്ര തലത്തില് ശ്രദ്ധേയമാകും; മൂന്നാള് പൊക്കത്തില് നിന്നും പതിനായിരക്കണക്കിന് പേരെ രക്ഷിച്ചെടുത്തെന്ന സത്യം പുറത്ത് വരുമ്പോള്...
കേരളം പ്രളയത്തെ അതിജീവിച്ചത് അല്ഭുതത്തോടെ കണ്ടുനിന്ന ലോകത്തിനു മുമ്പില് പ്രളയനിരപ്പ് മാപ്പിങ്ങ് വിജയകരമായി പൂര്ത്തിയാക്കിക്കൊണ്ട് വീണ്ടും സംസ്ഥാനം ലോകത്തിനു മാതൃകയാകുന്നു. അതേസമയം മാപ്പിങ്ങിലൂടെ പുറത്തുവരുന്ന വിവരങ്ങള് ഞെട്ടിക്കുന്നതാണ്.
18 അടിയോളം വെള്ളം കയറിയ ഭാഗങ്ങള് കേരളത്തിലുണ്ടായെന്നാണ് പഠനം കാണിക്കുന്നത്. ഏകദേശം മൂന്നാളുകളേക്കാള് താഴ്ച. ഈ ആഴത്തില്നിന്നാണ് പതിനായിക്കണക്കിനു മനുഷ്യരെ നമുക്കു രക്ഷിക്കാനായത്. വെള്ളപ്പൊക്കത്തിന്റെ കെടുതികള് ഏറ്റവുമേറെ വലച്ച 14000 ഓളം സ്ഥലങ്ങളിലെ വെള്ളക്കെട്ടിന്റെ പൊക്കം, ഭൂമിശാസ്ത്രപരമായ സ്ഥാനം, വിശദാംശങ്ങള് എന്നിവയാണ് റിപ്പോര്ട്ടില് അടങ്ങിയിരിക്കുന്നത്. പ്രളയജലം കയറിയ ആഴവും നീളവും റിപ്പോര്ട്ടില് വിശദമായുണ്ട്. പ്രളയബാധിതമായ സ്ഥലങ്ങളിലെ പ്രളയസമയത്തും ഇപ്പോഴുമുള്ള ചിത്രങ്ങള് സമാഹരിച്ചിട്ടുണ്ട്. അവ താരതമ്യം ചെയ്ത് നാശത്തിന്റെ രൂക്ഷത തിട്ടപ്പെടുത്തുകയും ചെയ്തിരിക്കുന്നു.
ജലവിഭവ വികസന വിനിയോഗ കേന്ദ്രം, കേരള വന ഗവേഷണ ഇന്സ്റ്റിറ്റിയൂട്ട്, കേരള സ്റ്റേറ്റ് റിമോട്ട് സെന്സിങ് സെന്റര്, എംജി സര്വകലാശാല, ജിയോളജിക്കല് സര്വേ ഓഫ് ഇന്ത്യ തുടങ്ങിയ വിവിധ സ്ഥാപനങ്ങളുടെ കൂട്ടായ പരിശ്രമത്തിലൂടെയാണ് ലോകത്തിനുതന്നെ മാതൃകയായ ഈ പഠനറിപ്പോര്ട്ട് തയ്യാറായിരിക്കുന്നത്. നിരവധി സന്നദ്ധപ്രവര്ത്തകരും മറ്റ് സംഘടനകളും പഠനത്തില് പങ്കെടുത്തു. ഫേസ്ബുക്കു് തുടങ്ങിയ സോഷ്യല്മീഡിയ പ്ലാറ്റ്ഫോമുകളും ആവശ്യമായ വിവരങ്ങള് ലഭ്യമാക്കി ഈ പ്രവര്ത്തനത്തെ സഹായിച്ചിരുന്നു. പദ്ധതിയുടെ അടുത്ത പടിയായി വെള്ളം കയറിയ പ്രദേശങ്ങളില് വിശദാംശങ്ങളുള്ള ഫലകങ്ങള് സ്ഥാപിക്കും. അതില് എത്ര പൊക്കത്തില് വെള്ളം കയറി എന്നു കൃത്യമായി രേഖപ്പെടുത്തും. ഭാവിയില് വെള്ളപ്പൊക്കമുണ്ടായാല് പൊതുജനത്തിനും രക്ഷാപ്രവര്ത്തകര്ക്കും ഇതു വളരെ സഹായകരമായിരിക്കും. ഇതിനുമുമ്പ് തായ് ലന്റില് മാത്രമാണ് ഇത്ര ബൃഹത്തായ പഠനം നടന്നിട്ടുള്ളതെന്ന് എന്നുകൂടി അറിയുമ്പോള് ഈ പഠനം അന്താരാഷ്ട്ര തലത്തില് ശ്രദ്ധേയമാകുമെന്ന് നമുക്ക് ഉറപ്പിച്ചു പറയാനാകും.
അതായത്, ഇനി വരാന് പോകുന്ന വെള്ളപ്പൊക്കം, അതെന്നായാലും കേരളം കൂടുതല് കരുതലോടെയാകും അതിനെ നേരിടുക. പ്രകൃതിയെ വികൃതമാക്കുന്ന നമ്മുടെ ചെയ്തികളും പരിസ്ഥിതിയെ മറന്നുള്ള നിര്മ്മാണങ്ങളും കൂടി ഒഴിവാക്കിയാല് മലയാളിക്ക് ഒരു പ്രളയത്തെയും ഭയക്കേണ്ടതില്ലെന്നു ചുരുക്കം. അതല്ല, അനുഭവം കൊണ്ടും പഠിക്കില്ല എന്നാണെങ്കില് നമ്മെ രക്ഷിക്കാന് ഒരു പഠനത്തിനും കഴിയുകയുമില്ല.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
