സ്വകാര്യ സ്വാപനങ്ങളുടെയോ, ഏജന്‍സികളുടെയോ സേവനത്തിന് ആധാര്‍ നമ്പര്‍ നല്‍കേണ്ടതില്ലെന്ന് കേന്ദ്രക്യാബിനറ്റ് യോഗം തീരുമാനിച്ചു, ബാങ്ക് അക്കൗണ്ടുകളും, സിം കാര്‍ഡ് കണക്ഷനുകളും എടുക്കുന്നതിനും ആധാര്‍ കാര്‍ഡ് നിര്‍ബന്ധമില്ല, സുപ്രീംകോടതി വിധിയനുസരിച്ചാണ് തീരുമാനം
സ്വകാര്യ സ്വാപനങ്ങളുടെയോ, ഏജന്‍സികളുടെയോ സേവനത്തിന് ആധാര്‍ നമ്പര്‍ നല്‍കേണ്ടതില്ലെന്ന് കേന്ദ്രക്യാബിനറ്റ് യോഗം തീരുമാനിച്ചു. ബാങ്ക് അക്കൗണ്ടുകളും, സിം കാര്‍ഡ് കണക്ഷനുകളും എടുക്കുന്നതിനും ആധാര്‍ കാര്‍ഡ് നിര്‍ബന്ധമില്ല. ഇത് സംബന്ധിച്ച നിയമ ഭേദഗതിക്ക് തിങ്കളാഴ്ച ചേര്‍ന്ന കാബിനറ്റ് യോഗം അംഗികാരം നല്‍കി. സെപ്തംബര്‍ 26ന് സുപ്രീംകോടതി വിധിയുടെ അടിസ്ഥാനത്തിലാണ് നടപടി. കൂടാതെ ഇത്തരം ആവശ്യങ്ങള്‍ക്കായി ജനങ്ങള്‍ക്ക് മറ്റ് ഏത് തിരിച്ചറിയല്‍ രേഖകളും ഉപയോഗിക്കാവുന്നതുമാണെന്നും യോഗം തീരുമാനിച്ചു.
ജനങ്ങള്‍ക്കു സേവനം നല്‍കാന്‍ ആധാര്‍ നമ്പര്‍ സ്വകാര്യ സ്ഥാപനങ്ങള്‍ക്ക് ആവശ്യപ്പെടാമെന്ന ആധാര്‍ നിയമത്തിലെ 57ാം വകുപ്പ് സുപ്രീം കോടത് റദ്ദാക്കിയിരുന്നു. ടെലഗ്രാഫ് ആക്ടിലും പ്രിവണ്‍ഷന്‍ ഒഫ് മണി ലോണ്ടറിംഗ് ആക്ടിലുമാണ് ഭേദഗതി വരുത്തിയിരിക്കുന്നത്. ആധാര്‍ വിവരങ്ങള്‍ നല്‍കാതെ തന്നെ ഉപയോക്താക്കള്‍ക്ക് സിം എടുക്കാന്‍ സാധിക്കും. അതുപോലെ ബാങ്ക് അക്കൗണ്ട് എടുക്കുമ്‌ബോള്‍ കെ.വൈ.സി ഓപ്ഷനില്‍ ചേര്‍ക്കാന്‍ വേണ്ടി മാത്രം ആധാര്‍ നല്‍കിയാല്‍ മതിയാകും.
ബാങ്കുകള്‍ക്കോ,? സ്വകാര്യ ഏജന്‍സികള്‍ക്കോ ആധാര്‍ വിവരങ്ങള്‍ ആവശ്യപ്പെടാനാകില്ല. സ്‌കൂളുകള്‍, യു.ജി.സി, നീറ്റ് തുടങ്ങിയ സ്ഥാപനങ്ങള്‍ ആധാര്‍ വിവരങ്ങള്‍ ആവശ്യപ്പെടുന്നതില്‍ കോടതി വിലക്കേര്‍പ്പെടുത്തിയിരുന്നു. സെപ്തംബര്‍ 26ന് പുറപ്പെടുവിച്ച സുപ്രീം കോടതിയുടെ ബഞ്ചിന്റെ ഭൂരിപക്ഷ വിധിയില്‍ ആധാറിന് ഭരണഘടനാ പരമായി സാധുതയുണ്ടെന്ന് വ്യക്തമാക്കിയിരുന്നു. എന്നാല്‍ ജനങ്ങള്‍ക്ക് സേവനം നല്‍കാന്‍ ആധാര്‍ നിര്‍ബന്ധമില്ലെന്നും കോടതി വ്യക്തമാക്കിയിരുന്നു. വ്യക്തികളുടെ സ്വകാര്യവിവരങ്ങള്‍ ആധാര്‍ നമ്പര്‍ ഉപയോഗിച്ച് സ്വകാര്യ കമ്പനികള്‍ കരസ്ഥമാക്കിയത് വലിയ വിവാദമായിരുന്നു. മാത്രമല്ല സെര്‍വറില്‍ നിന്ന് ആധാര്‍ വിവരങ്ങളും ചോര്‍ന്നിരുന്നു. ഇതേ തുടര്‍ന്നാണ് സുപ്രീംകോടതി ഇടപെട്ടത്.
ആധാറില്‍ വ്യക്തികളുടെ കുറച്ച് ബയോമെട്രിക് വിവരങ്ങള്‍ മാത്രമാണ് ശേഖരിക്കുന്നതെന്ന സര്‍ക്കാര്‍ വാദം അംഗീകരിച്ചാണ് സുപ്രീംകോടതി സെപ്തംബറില്‍ വിധി പുറപ്പെടുവിച്ചത്. ആധാറിന്റെ ഡ്യൂപ്ലീക്കേറ്റ് ഉണ്ടാക്കാന്‍ സാധിക്കില്ലെന്ന വാദവും സിക്രിയുടെയും അശോക് ഭൂഷണിന്റെയും വിധികള്‍ അംഗീകരിച്ചു. എന്നാല്‍ ഇക്കാര്യത്തിലും ശക്തമായ വിയോജിപ്പ് രേഖപ്പെടുത്തിക്കൊണ്ടുള്ള വിധിയാണ് ഡി.വൈ. ചന്ദ്രചൂഡ് പുറപ്പെടുവിച്ചിരിക്കുന്നത്. മൊബൈല്‍ കമ്പനികള്‍ ഇതിനോടകം ശേഖരിച്ചിരിക്കുന്ന വിവരങ്ങള്‍ നശിപ്പിച്ചു കളയണമെന്നും ജസ്റ്റിസ് ഡി.വൈ. ചന്ദ്രചൂഡ് വിശദമാക്കിയിരുന്നു. അത് സംബന്ധിച്ച നടപടികള്‍ കേന്ദ്രസര്‍ക്കാര്‍ ആരംഭിച്ചിട്ടില്ല.
https://www.facebook.com/Malayalivartha
